პოლიტიკა

პასპორტის სიძლიერის მიხედვით, საქართველოს პასპორტმა 67-ე პოზიციიდან 53-ე ადგილზე გადაინაცვლა

11.01.18 17:00


Henley Passport Index-ის 2018 წლის რეიტინგის მიხედვით, გერმანიის პასპორტი ოფიციალურად მსოფლიოში ყველაზე ძლიერ პასპორტად დასახელდა.

გერმანია უკვე მეხუთე წელია ლიდერობს რეიტინგში, რომელიც იმის მიხედვით ყალიბდება, თუ რამდენ ქვეყანაში შეუძლია პასპორტის მფლობელს უვიზოდ მოგზაურობა.

გერმანიის მოქალაქეებს ამჟამად უვიზოდ 177 ქვეყანაში შესვლა შეუძლიათ, რაც შარშანდელ მაჩვენებელს 1 ქვეყნით აღემატება.

აღსანიშნავია, რომ ევროკავშირთან ვიზალიბერალიზაციის წყალობით რეიტინგში ყველაზე დიდი წინსვლა უკრაინამ (59-დან 44-ე ადგილზე) და საქართველომ (67-დან 53-ე ადგილზე) დააფიქსირეს. საქართველოს მოქალაქეებს უვიზოდ მოგზაურობა მსოფლიოს 99 ქვეყანაში შეუძლიათ.

წარმოგიდგენთ მსოფლიოს 15 ყველაზე ძლიერ პასპორტს

და მათი მფლობელებისთვის უვიზოდ ხელმისაწვდომი ქვეყნების რიცხვს:

1. გერმანია 177

2. სინგაპური 176

3. დანია, ფინეთი, საფრანგეთი, იტალია, იაპონია, ნორვეგია, შვედეთი, დიდი ბრიტანეთი 175

4. ავსტრია, ბელგია, ლუქსემბურგი, ნიდერლანდები, ესპანეთი, შვეიცარია 174

5. ირლანდია, სამხრეთ კორეა, პორტუგალია, აშშ 173

6. კანადა 172

7. ავსტრალია, საბერძნეთი, ახალი ზელანდია 171

8. ჩეხეთი, ისლანდია 170

9. მალტა 169

10. უნგრეთი 168

11. ლიხტენშტეინი, სლოვაკეთი, სლოვენია 167

12. ლატვია, ლიტვა, მალაიზია 166

13. ესტონეთი 165

14. პოლონეთი 163

15. მონაკო 162




წყარო : /www.ambebi.ge/

წაკითხულია : 145


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები