პოლიტიკა

გერმანელი ევროპარლამენტარი რებეკა ჰარმსი - ჩრდილოეთ რეინ-ვესტფალიის მთავრობის მიერ საქართველოსთვის უვიზო რეჟიმის გაუქმების მოთხოვნის დაყენებით გაოცებული დავრჩი

14.02.18 12:35


გერმანელი ევროპარლამენტარის, რებეკა ჰარმსის განცხადებით, გაოცებული დარჩა გერმანიის ერთ-ერთი მიწის, ჩრდილოეთ რეინ-ვესტფალიის მთავრობის მიერ საქართველოს მოქალაქეებისთვის დაწესებული უვიზო რეჟიმის გაუქმების მოთხოვნის დაყენებით. ამის შესახებ „ინტერპრესნიუსს“ თავად რებეკა ჰარმსმა განუცხადა.

„სიმართლე გითხრათ, გაოცებული ვიყავი ჩრდილოეთ რეინ-ვესტფალიის მთავრობის ჩარევით ამ საკითხში. მე უკვე ვესაუბრე საქართველოს მთავრობისა და პარლამენტის წარმომადგენლებს აღნიშნულ საკითხზე. ჩვენ გამოვიკვლევთ ამ საკითხს. რამდენადაც ვიცი, საუბარია რამდენიმე ასეულ შემთხვევაზე. ვფიქრობ, ჩვენ გამოვძებნით გადაწყვეტილებას. სამასამდე შემთხვევა, რომლის უკან შესაძლოა კრიმინალური საქმიანობა იყოს, შეიძლება გადაწყდეს. ჩვენ არ უნდა ჩავაყენოთ საფრთხის ქვეშ უვიზო მიმოსვლის შეთანხმების მდგრადობა. თუ პრობლემა არსებობს და ჩრდილოეთ რეინ-ვესტფალიის მიწის მინისტრი ამბობს, რომ პრობლემა არის, ჩვენ ეს პრობლემა უნდა გამოვიკვლიოთ და გამოვძებნოთ მისი გადაჭრის გზები, მაგრამ ეს არ უნდა მოხდეს საქართველოს მოქალაქეების უმრავლესობის ხარჯზე, ვისაც სურს ევროკავშირთან უვიზო მიმოსვლის რეჟიმით სარგებლობა“, - განაცხადა რებეკა ჰარმსმა საინფორმაციო სააგენტო „ინტერპრესნიუსთან“ საუბარში.

გერმანიის ერთ-ერთი მიწის, ჩრდილოეთ რეინ-ვესტფალიის მთავრობა საქართველოს მოქალაქეებისთვის დაწესებული უვიზო რეჟიმის გაუქმებას ითხოვს. რეგიონის მთავრობა აღნიშნულის მიზეზად საქართველოდან თავშესაფრის მაძიებელთა რაოდენობის ზრდას ასახელებს და მკაცრი ზომების მიღებას ითხოვს. გავრცელებული ინფორმაციით, ჩრდილოეთ რეინ-ვესტფალიის ბავშვთა, ოჯახის, ლტოლვილთა და ინტეგრაციის საკითხებში მინისტრმა იოაჰიმ შტამპმა საქართველოს მოქალაქეებისთვის უვიზო რეჟიმის გაუქმების კამპანია უკვე წამოიწყო.




წყარო : IPN /www.interpressnews.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები