პოლიტიკა

ირაკლი ხმალაძე: ყველა სამშენებლო სამუშაოს წარმოების დროს მონიტორინგი განხორციელდება

14.02.18 14:15


ყველა სამშენებლო სამუშაოს წარმოების დროს მონიტორინგი განხორციელდება,- ამის შესახებ თბილისის ვიცე-მერმა ირაკლი ხმალაძემ განაცხადა. მისი თქმით, ყველა პროექტი იქნება ექსპერტიზებული.

„რამდენიმე კვირის წინ, თბილისის მერისგან მივიღეთ დავალება, შეგვემუშავებინა ახალი კონცეფცია, რომ მერიის მიერ განხორციელებული სამშენებლო სამუშაოების წარმოების დროს უზრუნველყოფილი იყოს ხარისხის მაღალი სტანდარტი. მივიღეთ გადაწყვეტილება, მივცეთ მითითება ყველა გამგეობასა და ყველა შემსყიდველ ორგანიზაციას მერიის სისტემაში, რომ საპროექტო სამუშაოების მიღება განხორციელდეს მხოლოდ და მხოლოდ ტექნიკური და ფინანსური ექსპერტიზის დასკვნის შემდეგ, რასაც ზოგიერთ შემთხვევაში წარსულში ადგილი არ ჰქონია და ამიტომაც, ძალიან ცუდი შედეგით დასრულდა. აქედან გამომდინარე, ყველა პროექტი, რომელიც განხორციელდება, იქნება ექსპერტიზირებული და სამშენებლო სამუშაოების წარმოების დროს, მონიტორინგი განხორციელდება, რომ უზრუნველყოფილი იყოს საპროექტო გადაწყვეტების შესრულება“, – განაცხადა ირაკლი ხმალაძემ.




წყარო : /www.kvira.ge/

წაკითხულია : 136


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები