პოლიტიკა

იან კელი - აშშ-საქართველოს ურთიერთობებში 2017 წელი ფანტასტიური იყო

16.03.18 14:45


აშშ-საქართველოს ურთიერთობებში 2017 წელი ფანტასტიური იყო, - ამის შესახებ საქართველოში აშშ-ს ელჩმა იან კელიმ „ინტერპრესნიუს“ განუცხადა. „ვეთანხმები პრეზიდენტ მარგველაშვილის მიერ გამოცემა Foreign Policy-სთვის მიცემულ ინტერვიუში გამოთქმულ აზრს იმის თაობაზე, რომ 2017 წელი ძალიან პოზიტიური იყო. ეს მართლაც ფანტასტიური წელი იყო, განსაკუთრებით უსაფრთხოების სფეროში. რაც შეეხება „ჯაველინის“ სისტემის მიწოდებას, ობამას ადმინისტრაცია არ იძლეოდა თანხმობას მის მიწოდებაზე. ჩვენ შევძელით ამ თანხმობის მიღება. ასევე ძალიან მალე დავიწყებთ წვრთნებისა და აღჭურვილობის პროგრამას, „საქართველოს თავდაცვის მზაობის“ პროგრამას“, - განაცხადა იან კელიმ.

საქართველოში აშშ-ს ელჩის თქმით, მასზე შთაბეჭდილება მოახდინა ტრამპის ადმინისტრაციის ეროვნული უსაფრთხოების გუნდმა. „მათ ნათლად განსაზღვრეს ის გამოწვევები, რომლის წინაშე საქართველო დგას. მათ ასევე სურდათ რუსეთისთვის იმ მესიჯის მიწოდება, რომ საქართველოს ინსტრუმენტს ვაძლევთ, რომლითაც აგრესიას შეაჩერებს. ამის ერთ-ერთი ფაქტორი იყო ის, რაც 2016 წელს მოხდა. ვგულისხმობ, აშშ-ს საპრეზიდენტო არჩევნებში რუსეთის ჩარევა. ეს ამ პროცესის ხელშემწყობი ფაქტორი იყო. არის საერთო ძალისხმევა იმისა, რომ რუსეთს აჩვენონ, რომ ფასის გადახდა მოუწევს აგრესიისთვის. ეს არა მხოლოდ საქართველოს ეხება, არამედ ასევე უკრაინას, ნატო-ს აღმოსავლეთ ფლანგს. ეს საყოველთაო მიდგომის ნაწილია იმ მოცემულებისადმი, რომ რუსეთს სურს საერთაშორისო წესრიგის წესების შეცვლა. ასე რომ, ეს დიდი ძალისხმევის ნაწილია. 2017 წელი საქართველო-აშშ-ს ურთიერთობებში უსაფრთხოების კუთხით მართლაც შესანიშნავი იყო“, - დასძინა იან კელიმ.




წყარო : IPN /www.interpressnews.ge/

წაკითხულია : 217


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები