საზოგადოება

ზაზა სარალიძე აქციებს ერთი კვირით წყვეტს

12.06.18 14:10


აქციის მონაწილეებს შესაძლოა, მოვუწოდო, რომ ცოტა ხნით შევისვენოთ, – ამის შესახებ პარლამენტში დროებითი საგამოძიებო კომისიის წევრების ნაწილთან შეხვედრის შემდეგ, ხორავას ქუჩაზე მოკლული არასრულწლოვანის მამამ, ზაზა სარალიძემ განაცხადა.

მისი თქმით, დღეს ძალიან ბევრი ინციდენტი მოხდა, რომელიც გამოსაძიებელია.

„აქციაზე ჩავდივარ, გადავხედავ სიტუაციას და შესაძლებელია, მოვუწოდო ხალხს, რომ ცოტა ხნით შევისვენოთ, რადგან დღეს ძალიან ბევრი გაურკვეველი სიტუაცია მოხდა ძალოვანი სტრუქტურებიდან. ამ თემაზე შინაგან საქმეთა სამინისტროს გენინსპეციაში მეც ვარ დაბარებული და მისასვლელი ვარ, ძალიან ბევრი საქმეა დღევანდელი დღიდან გამომდინარე გამოსაძიებელი, თუნდაც ზვიად კუპრავას არასწორი დაკავება, თუნდაც სასადილოს ინციდენტი საქალაქო სასამართლოში და ფაქტიურად, ამ საქმეებზე ვარ სარბენი, რომ მივადევნო ყველაფერს თვალ-ყური და კიდევ რამე არ მოხდეს“, – განაცხადა ზაზა სარალიძემ.

მისი თქმით, აქციები, მაქსიმუმ ერთი კვირით შეწყდება.

„ვითვალისწინებთ იმასაც, რომ რამადანი სრულდება ერთ კვირაში და მთელი პანკისი თბილისში აქციაზე შემოგვიერთდება“, – განაცხადა ზაზა სარალიძემ.




წყარო : /www.kvira.ge/

წაკითხულია : 154


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები