პოლიტიკა

მესამე სექტორი თეა წულუკიანის გადადგომას კვლავ მოითხოვს

18.06.18 10:30


იუსტიციის მინისტრის თეა წულუკიანის გადადგომას არასამთავრობო ორგანიზაციები კვლავ მოითხოვენ. სამოქალაქო სექტორში აცხადებენ, რომ თეა წულუკიანის მთავრობის ახალ შემადგენლობაში ყოფნის არავითარი უფლება არ აქვს.

„ეს ეხება სასამართლო სისტემას, ეხება გამოძიებას და პროკურატურის რეფორმას. ის მოცემულობა და ის ისტორია, რომელიც ჩვენ გვაქვს ქართული ოცნების 6 წლიანი მმართველობის პერიოდში, ნათლად მიუთითებს, რომ მოქმედი იუსტიციის მინისტრი და ახლა უკვე მოვალეობის შემსრულებელი, არ არის სასურველი, რომ იყოს ახალ მთავრობაში წარმოდგენილი,“-განაცხადა საია-ს თავმჯდომარე სულხან სალაძემ.

თეა წულუკიანის გადადგომას ითხოვს იუსტიციის საბჭოს არამოსამართლე წევრი ანა დოლიძეც.

„ქართულმა ოცნებამ და ამის უშუალო მონაწილე იყო თეა წულუკიანი, დაიხია უკან სასამართლო ხელისუფლებიდან და ის სამართავად მოსამართლეების ერთ კონკრეტულ დაჯგუფებას დაუტოვა. თეა წულუკიანის დარჩენა ამ თანამდებობაზე ნიშნავს, რომ არ არის უარყოფილი ეს დამოკიდებულება სასამართლო ხელისუფლების მიმართ. ანუ რაიმე გარღვევებს ამ სფეროში ჩვენ არ უნდა ველოდეთ, რაც დამაზიანებელი იქნება ჩვენი სახელმწიფოსთვის,“-აცხადებს ანა დოლიძე.





წყარო : /www.newposts.ge/

წაკითხულია : 145


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები