პოლიტიკა

პაოლო ალი - ჩვენ ყოველ ჯერზე ვხედავთ მეტ და მეტ პროგრესს საქართველოში, მაგრამ ცოტა მომთმენნი უნდა იყოთ

11.07.18 19:15


ჩვენ ყოველ ჯერზე მეტ და მეტ პროგრესს ვხედავთ საქართველოში, - ამის შესახებ საინფორმაციო სააგენტო “ინტერპრესნიუსს” ნატო-ს საპარლამენტო ასამბლეის პრეზიდენტმა პაოლო ალიმ განუცხადა.

ამასთან, მისი თქმით, საქართველო ცოტა მომთმენი უნდა იყოს.

“საქართველო ცოტა მომთმენი უნდა იყოს. როდესაც ჩვენ ვსაუბრობთ პროგრესზე, ეს არ არის უბრალო სიტყვები, ვინაიდან ყოველ ჯერზე, როდესაც ამაზე ვსაუბრობთ, ჩვენ ვხედავთ საქართველოს წინსვლას. წლების წინ სიტუაცია კორუფციასთან ბრძოლაში არ იყო ისეთი, როგორიც ახლა არის. გაიხსენეთ, იყო კორუფციის პრობლემა, დემოკრატიის პრობლემა. ამ მხრივ დიდი ნაბიჯია წინ გადადგმული”, - განაცხადა პაოლო ალიმ.

მისივე თქმით, რუსეთს არ აქვს უფლება შეეწინააღმდეგოს რომელიმე ქვეყნის ნატო-ში გაწევრიანებას.

“რუსეთს არანაირი უფლება არ აქვს ვინმეს არჩევანში ჩაერიოს. მინდა აღვნიშნო, რომ ნატო არასოდეს ყოფილა ისე ახლოს საქართველოსთან, როგორც ახლა არის”, - დასძინა მან.




წყარო : IPN /www.interpressnews.ge/

წაკითხულია : 262


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები