პოლიტიკა

გერმანიას საქართველოში ახალი ელჩი ჰყავს

19.09.18 15:00


საქართველოში გერმანიის ახალი ელჩი, ჰუბერტ ქნირში ჰყავს. საქართველოში ჩამოსვლამდე ქნირში გერმანიის დიპლომატიურ სამსახურებში რამდენიმე ქვეყანაში, მათ შორის აშშ-ში, პოლონეთსა და რუსეთში მუშაობდა.

საელჩოს ინფორმაციით, ჰუბერტ ქნირშმა დიპლომატიური სამსახური 1989 წელს, პოლონეთში გერმანიის საელჩოში დაიწყო. 1992-95 წლებში ის საგარეო საქმეთა სამინისტროში, ხოლო 1995-98 წლებში ვაშინგტონში გერმანიის საელჩოში მუშაობდა. 1998 წლიდან 2001 წლამდე ქნირში ფედერალური კანცლერის აპარატში საქმიანობა.

ქნირშის საქმიანობა ისეთ თანამდებობებსაც ითვლის, როგორიცაა:

გერმანიის საგარეო საქმეთა სამინისტროში განყოფილების უფროსის მოადგილე (2001-2005);

გერმანიის საელჩო ვარშავაში, პოლიტიკური განყოფილების უფროსი (2005-2008);

გერმანიის ყოფილი პრეზიდენტის, რიხარდ ფონ ვაიცზეკერის ბიუროს ხელმძღვანელი (2008-20011) და გერმანიის საგარე საქმეთა სამინისტროს ეკონომიკური და ფინასური პოლიტიკის განყოფილების უფროსი (2011-2014).

რაც შეეხება რუსეთის ფედერაციას, ქნირში მოსკოვში მდებარე გერმანიის საელჩოში პოლიტიკური განყოფილების უფროსად 2014-2018 წლებში მუშაობდა.

სწორედ აქ რუსეთის სამთავრობო პროპაგანდისტული მედია NTV-მ მას ოპოზიციასთან გარიგებაში დასდო ბრალი. 2015 წელს ტელეკომპანიამ გამოაქვეყნა ე.წ. ჟურნალისტური გამოძიება, ფარული კამერით გადაღებული კადრები აჩვენა. რუსეთის სამთავრობო მედია ამბობდა, რომ დეპუტატი გუდკოვი და ქნირში ერთ-ერთ რესტორანში სხედან და საუბრობენ.

მათ საუბარს რუსულად დუბლირებული, წამყვანის ხმა ადევს, შესაბამისად, შეუძლებელია ზუსტად იმის განსაზღვრა, თუ რაზე საუბრობდნენ დიპლომატი და პარლამენტარი.

NTV-ს ინფორმაციით, ქნირში ინტერესდებოდა, თუ როგორ ემზადებოდა ოპოზიცია მომავალი არჩევნებისთვის.

სიუჟეტის დაკავშირებით გერმანიის საელჩომ რუსეთში განაცხადა, რომ დიპლომატებისთვის დეპუტატებთან შეხვედრა ყოველდღიური და ჩვეულებრივი პრაქტიკაა. მათი თქმით, საელჩოს ძალიან გაუკვირდა, როდესაც მედიამ აღნიშნული ქმედება საეჭვოდ ჩათვალა.

თავად დეპუტატი გუდკოვიც უარყოფდა NTV-ს ინფორმაციას. ის ტელეკომპანიას სასამართლოში ჩივილითაც დაემუქრა.




წყარო : /www. netgazeti.ge/

წაკითხულია : 352


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები