პოლიტიკა

დიმიტრი ცქიტიშვილი და კახა კუჭავა შვედეთის სამეფოს ელჩს შეხვდნენ

18.10.18 16:45


საქართველოს პარლამენტის შვედეთის სამეფოს პარლამენტთან მეგობრობის ჯგუფის ხელმძღვანელი დიმიტრი ცქიტიშვილი და ამავე ჯგუფის წევრი კახა კუჭავა შვედეთის სამეფოს ელჩს საქართველოში ურლიკ ტიდერსტრომს შეხვდნენ.

შეხვედრა შვედეთის სამეფოს ახალდანიშნულ ელჩთან, ძირითადად, გაცნობითი ხასიათის იყო და მომავალი თანამშრომლობის ცალკეულ ასპექტებს ეხებოდა.

„ეს იყო პირველი ოფიციალური შეხვედრა ახალ ელჩთან. განვიხილეთ თანამშრომლობის ბევრი მიმართულება – დარგობრივი მიმართულებები, კომიტეტებს შორის რა შეიძლება გაკეთდეს, რამდენად კონცენტრირებულად შეიძლება სხვადასხვა თემებზე ვიმუშაოთ მომავალში, იქნება ეს გარემოს დაცვა, სოციალური საკითხები, გენდერული თანასწორობის საკითხები, ეკონომიკური განვითარება, დემოკრატია და ადამიანის უფლებები და სხვა. ვფიქრობ, რომ წინ ძალიან საინტერესო თანამშრომლობის წლები გველოდება შვედეთის ახალ პარლამენტთან და არა მარტო პარლამენტთან. საელჩო მზად არის ყველანაირად ხელი შეუწყოს ამ თანამშრომლობის განვითარებას“, – განაცხადა დიმიტრი ცქიტიშვილმა შეხვედრის შემდეგ.




წყარო : /www.kvira.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები