ეკონომიკა

ჰიდროენერგეტიკოსთა კონგრესს თბილისში 150 დელეგატი დაესწრება

20.02.19 13:00


საერთაშორისო კონგრესი „ჰიდროენერგეტიკა, კასპიის ზღვა და ცენტრალური აზია“ თბილისში ოთხშაბათს იწყება, აცნობეს ღონისძიების ორგანიზატორებმა Sputnik-საქართველოს.

კონგრესის საკვანძო საკითხი, რომელიც ორი დღე გასტანს, იქნება პრაქტიკული მაგალითები კომპანიისგან, რომელიც წარმატებით ახორციელებს ჰესების მშენებლობის პროექტებს ამერიკაში, ევროპასა და აზიაში.

კონგრესის მთავარი მომხსენებლები იქნებიან კომპანია Georgian Energy Development Fund-ის აღმასრულებელი დირექტორი გიორგი ჩიქოვანი, კომპანია Adjaristsqali Georgia-ს აღმასრულებელი დირექტორი ჯოში პრაშანტი, კაირაკუმის ჰესის დირექტორი ფაიზულო ავეზოვი და სხვ.

სულ ფორუმში 150-ზე მეტი ადამიანი მიიღებს მონაწილეობას და განხილული იქნება 40-ზე მერი საინვესტიციო პროექტი.

ფორუმის პარალელურად ჩატარდება გამოფენა, რომელზეც ენერგეტიკის სფეროს წამყვანი მსოფლიო კომპანიები სტუმრებს საკუთარ პროექტებს გააცნობენ.

საერთაშორისო საინფორმაციო სააგენტო და რადიო Sputnik-საქართველო 2019 წელს კონგრესის ოფიციალური საინფორმაციო პარტნიორია.

ყოველწლიური საერთაშორისო კონგრესი და გამოფენა „კასპიის ჰიდროენერგეტიკა და ცენტრალური აზია“ — ეს პროფესიული მოედანია რეგიონის ქვეყნების ხელისუფლებებისა და ბიზნესის დიალოგისთვის, გამოცდილების გაცვლის, გადაწყვეტილების მოძებნისა და კონსოლიდაციისთვის.

კონგრესი თბილისში უკვე მესამედ ტარდება. პირველად ის 2017 წლის 15-16 თებერვალს გაიმართა და მას 100-ზე მეტი ექსპერტი დაესწრო.



წყარო : Sputnik საქართველო /www.sputnik-georgia.com/

წაკითხულია : 154


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები