პოლიტიკა

“ბელარუსში ქართული პროდუქტის მაღაზიის გახსნა, საქართველოში კი ტრაქტორების ამწყობი ერთობლივი საწარმოს ამოქმედება იგეგმება”

20.03.19 14:40


“ბელარუსში ქართული პროდუქტის მაღაზიის გახსნა, საქართველოში კი ტრაქტორების ამწყობი ერთობლივი საწარმოს ამოქმედება იგეგმება”, – ამის შესახებ საქართველოს პრემიერმინისტრის, მამუკა ბახტაძისა და ბელარუსის ვიცეპრემიერის, მიხეილ რუსის შეხვედრაზე გახდა ცნობილი.


ასევე, განიხილება ლიფტების ერთობლივი წარმოების თემა, თანამშრომლობა ტრანსპორტის სფეროში, კერძოდ – საბორნე მიმოსვლის განვითარების პერსპექტივა და ბელარუსიდან წამოსული ტვირთის ტრანზიტი საქართველოში უკრაინის გავლით. საუბრისას, ხაზი გაესვა, ლოგისტიკის განვითარების კუთხით, კონკრეტული ნაბიჯების გადადგმის აუცილებლობას. მთავრობის მეთაურის დავალებით, ქართულმა მხარემ, ბელარუს კოლეგებთან სამუშაო ჯგუფის ფარგლებში, ორი თვის ვადაში უნდა შეაჯეროს ლოგისტიკური საკითხების მოწესრიგების გზები, რაც ორმხრივი ვაჭრობის მნიშვნელოვან ზრდასაც შეუწყობს ხელს.

ბელარუსის მხარე, ასევე, დაინტერესებულია საქართველოში ტრაქტორების ამწყობი ერთობლივი საწარმოს შექმნით. შეხვედრისას შეთანხმდნენ, რომ შესაბამისი პარტნიორის მოძიებაში მათ საქართველოს ეკონომიკისა და მდგრადი განვითარების სამინისტრო დაეხმარება.

ვიცეპრემიერმა რუსიმ, ამასთან ერთად, გამოთქვა მზადყოფნა, ბელარუსმა მონაწილეობა მიიღოს თბილისსა და ბათუმში ავტობუსების ჩანაცვლების მიზნით გამოცხადებულ ტენდერებში, ასევე – ქართულ ბაზარზე დაინტერესებულ მყიდველს მიაწოდოს ნებისმიერი სპეციფიკაციის ლიფტები.

შეხვედრისას, ასევე, შეთანხმდნენ, რომ ბელარუსის მხარე იმუშავებს მინსკში სპეციალური ადგილის გამოყოფაზე, რომელიც „აგროჰაბის” კონცეფციის ქართული პროდუქტის მაღაზიას დაეთმობა.






წყარო : /www.kvira.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები