ეკონომიკა

2019 წლის მარტში ეკონომიკა 6%-ით გაიზარდა – საქსტატი

30.04.19 16:10


სტატისტიკის ეროვნული სამსახურის წინასწარი ინფორმაციით, 2019 წლის მარტში საქართველოს ეკონომიკა 6%-ით გაიზარდა. მთლიანად კვარტალში მშპ-ს 4.7%-იანი ზრდა დაფიქსირდა. საქსტატის თანახმად, მარტში, იანვარ-თებერვალთან შედარებით, ყველაზე მაღალი ზრდა იყო.

საქსტატის თანახმად, 2019 წლის მარტში, წინა წლის შესაბამის პერიოდთან შედარებით, ზრდა შეინიშნებოდა ვაჭრობის,
ტრანსპორტის, უძრავი ქონებით ოპერაციებისა და მომხმარებლისათვის სხვა სახის მომსახურების გაწევის დარგებში. საქსტატისვე ცნობით, კლება დაფიქსირდა მშენებლობის დარგში.

2019 წლის იანვარ-მარტში, წინა წლის შესაბამის პერიოდთან შედარებით, ექსპორტი 12%-ით გაიზარდა და 826 მლნ აშშ დოლარი შეადგინა.

საქსტატის ინფორმაციით, მარტში 4 620 ახალი საწარმო დარეგისტრირდა, რაც 3.5%-ით ნაკლებია 2018 წლის მარტთან შედარებით.




წყარო : /www. netgazeti.ge/

წაკითხულია : 154


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები