პოლიტიკა

კახა კახიშვილი: მე არ ვთვლი, რომ პრეზიდენტი ჭორაობს

27.07.16 17:35


მე არ ვთვლი, რომ პრეზიდენტი ჭორაობს, – ასე უპასუხა სასჯელაღსრულებისა და პრობაციის მინისტრმა ჟურნალისტის კითხვას იმის შესახებ, ვიცე-პრემიერ კახა კალაძეს მსგავსად, ისიც მიიჩნევს თუ არა, რომ პრეზიდენტი მისი ოჯახის წევრისადმი განხორციელებულ მუქარასთან დაკავშირებით ჭორაობს.

„ნამდვილად არ ვიცი, რა გახდა ამ განცხადების გაკეთების საფუძველი. ასეთი ტიპის განცხადება შემდგომში ყოველთვის არის გამოძიების დაწყების საფუძველი და როგორც ვიცი, პროკურატურაში ამ საკითხზეც დაიწყო გამოძიება“, – განაცხადა კახა კახიშვილმა.

რაც შეეხება პრეზიდენტის განცხადებას იმის შესახებ, რომ მას კორცხელის ინციდენტთან დაკავშირებით ვიცე-პრემიერთან კითხვები აქვს, კახიშვილი აღნიშნავს, რომ გამოძიება მიმდინარეობს და რამდენიმე პირი მიცემულია სისხლის სამართლის პასუხისგებაში.

„საქმის კონკრეტული დეტალები ნამდვილად არ ვიცი და ვერც მეცოდინება. იცით, რომ მეორე მხრიდანაც არიან დაზარალებეულები. ამ გამოძიების ფარგლებში ყველაფერი გაირკვევა. როგორც ვიცი, გამოძიების ფარგლებში ამ საკითხზეც მუშაობს პროკურატურა“, – განაცხადა კახიშვილმა.


წყარო : /www.kvira.ge/

წაკითხულია : 802


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები