საზოგადოება

პრეზიდენტი გაეროს ლტოლვილთა უმაღლეს კომისარს შეხვდა

12.06.19 17:40


საქართველოს პრეზიდენტმა ჟენევაში გაეროს ლტოლვილთა უმაღლეს კომისართან, ფილიპო გრანდისთან შეხვედრაზე დევნილთა და ლტოლვილთა საკითხები განიხილა.

პრეზიდენტის პრესსამსახურის ინფორმაციით, ​შეხვედრაზე საქართველოს ოკუპირებულ ტერიტორიებზეც ისაუბრეს. ფილიპო გრანდიმ იძულებით გადაადგილებულ პირთა საცხოვრებლით უზრუნველყოფის პროგრამას მაღალი შეფასება მისცა.

​აღინიშნა, რომ თავშესაფრის მაძიებელთა საკითხი და მათი ინტეგრაცია საქართველოსათვის ახალი გამოწვევაა.სალომე ზურაბიშვილმა იმედი გამოთქვა, რომ საერთაშორისო ორგანიზაციების მხარდაჭერით აღნიშნული საკითხი სათანადოდ გადაიჭრება.

“მოხარული ვარ, პირველად ვუმასპინძლო საქართველოს პრეზიდენტს, აქ, გაეროს ლტოლვილთა უმაღლეს კომისარიატში. საქართველოსთან, სხვადასხვა მიმართულებით, ხანგრძლივი თანამშრომლობა გვაკავშირებს.

ვისაუბრეთ საქართველოში თავშესაფრის მაძიებელ ლტოლვილებზე, ასევე ჩვენს ხელმისაწვდომობაზე, რათა საქართველოსთან თანამშრომლობა გავაგრძელოთ და თავშესაფრების სისტემა გავაძლიეროთ. ვისაუბრეთ იძულებით გადაადგილებულ პირთა შესახებ, დადებითად შევაფასე პროგრამა, რომელიც იძულებით გადაადგილებულ პირების მხარდასაჭერად შეიქმნა. რასაკვირველია, ამ პრობლემის გადაწყვეტა, პოლიტიკური გადაწყვეტილებაა. ჩვენ ვართ ჰუმანიტარული ორგანიზაცია და ნებისმიერ დროს ხალხის სამსახურში ვართ.

დაბოლოს, შევეხეთ საქართველოს გლობალურ როლს, არსებობს შეთანხმება ლტოლვილების თაობაზე, რომელიც გაეროს მიერაა მხარდაჭერილი. წლის ბოლოს ჟენევაში ლტოლვილთა გლობალური ფორუმი-მინისტერიალი იგეგმება და მე მოვუწოდებ საქართველოს, რათა საერთაშორისო ასპარეზზე კვლავ მოთამაშედ დარჩეს”, – განაცხადა ფილიპო გრანდიმ.




წყარო : /www.kvira.ge/

წაკითხულია : 217


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები