საზოგადოება

ოკუპირებულ ტერიტორიაზე მცხოვრები აბიტურიენტები გამოცდების ხელმეორედ ჩაბარებას შეძლებენ

08.07.19 18:00


შეფასებისა და გამოცდების ეროვნული ცენტრის ხელმძღვანელის სოფო გორგოძეს თქმით, ოკუპირებულ ტერიტორიაზე მცხოვრები აბიტურიენტები, რომლებმაც ე.წ საზღვარზე გადმოსვლა ვერ მოახერხეს, გამოცდებს უახლოეს პერიოდში ჩააბარაბენ.

სოფო გორგოძეს თქმით, განათლებისა და მეცნიერების სამინისტრო აღნიშნულ აბიტურიენტებს გამოცდების გასვლის შესაძლებლობას უახლოეს პერიოდში მისცემს.

"აბიტურიენტების უმრავლესობამ შეძლო და მოახერხა მოსულიყო გამოცდაზე. რაც შეეხება იმ ნაწილს, ვინც ეს ვერ მოახერხა განათლებისა და მეცნიერების სამინისტრო სხვა უწყებებთან ერთად მუშაობს, აქვთ კონკრეტული გეგმა, რა გეგმის მიხედვითაც უზრუნველყოფენ ამ პირებისათვის უმაღლესი განათლების მიღების შესაძლებლობას. ვმუშაობთ და გვაქვს კონკრეტული გეგმა,"- განაცხადა სოფო გორგოძემ

1-ელ ივლისს ერთიანი ეროვნული გამოცდები ქართულ ენისა და ლიტერატურის გამოცდით დაიწყო და 23 ივლისს ფიზიკის გამოცდით დასრულდება.

საქართველოს მასშტაბით ერთიან ეროვნულ გამოცდებში 41 000 აბიტურიენტია რეგისტრირებული.




წყარო : /www .pia.ge/

წაკითხულია : 298


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები