საზოგადოება

თელავთან დამეგობრებული ქალაქი იუნესკოს მსოფლიო მემკვიდრეობის სიაშია

12.07.19 14:45


ისტორიულ ქალაქ თელავთან დამეგობრებული აზერბაიჯანის ქალაქი შეკი იუნესკოს მსოფლიო მემკვიდრეობის სიაშია. “კვირას” ინფორმაციით, გადაწყვეტილება იუნესკოს მსოფლიო მემკვიდრეობის კომიტეტის 43-ე სხდომაზე მიიღეს.

აღსანიშნავია, რომ დამეგობრებულ ქალაქებს შორის მუდმივი მეგობრული კავშირია დამყარებული, რათა ორივე ქალაქმა ერთმანეთს საკუთარი ცხოვრების წესი, ისტორია და კულტურა გაუზიაროს.

შეკისა და თელავის მუნიციპალიტეტებს შორის ​ორმხრივი თანამშრომლობის პროტოკოლს ხელი 2012 წლის 3 ივლისს მოეწერა. ორ ქალაქს შორის თანამშრომლობა დიპლომატიური დელეგაციების, ხელოვანთა და სპორტსმენთა საზოგადოებების მიღებასა და სხვადასხვა გაცვლით გამოფენებში გამოიხატება.

ალაქი შეკი კავკასიონის სამხრეთ ნაწილში მდებარეობს. ქალაქის ისტორიული ცენტრი მე-18 საუკუნეში ღვარცოფების შედეგად დაინგრა, რის შემდეგაც სრულად აღადგინეს. ის ტრადიციული არქიტექტურის მქონე მაღალი გუმბათოვანი სახლებით ხასიათდება.

ექსპერტები აღნიშნავენ, რომ შეკის ისტორიული ცენტრის, მისი ხანების სასახლის იუნესკოს მსოფლიო მემკვიდრეობის ძეგლების სიაში შეტანა და ტურისტების შესვლა ხელს შეუწყობს ტურიზმის განვითარებას როგორც აზერბაიჯანის ამ ქალაქში, ასევე თელავში.





წყარო : /www .pia.ge/

წაკითხულია : 208


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები