პოლიტიკა

ბიძინა ივანიშვილი: გამორიცხულია, „ნაცმოძრაობა“ არჩევნების გზით მოვიდეს ხელისუფლებაში, ამიტომ საბაბს ეძებდნენ, რომ სიტუაცია აეყირავებინათ

17.07.19 14:50


გამორიცხულია, „ნაცმოძრაობა“ არჩევნების გზით მოვიდეს ხელისუფლებაში, ამიტომ საბაბს ეძებდნენ, რომ სიტუაცია აეყირავებინათ – ამის შესახებ პარტია „ქართული ოცნების“ თავმჯდომარე ბიძინა ივანიშვილმა ჟურნალისტებს ბოლო პერიოდში განვითარებულ მოვლენებთან დაკავშირებით განუცხადა.


„2016 წელს საქართველოში იმყოფებოდნენ რუსი დეპუტატები, სლოცკი, რომელიც გავრილოვზე გაცილებით მნიშვნელოვანი ფიგურაა და გვარს ვერ გავიხსენებ, „ფე-ეს-ბეს“ ყოფილი თავმჯდომარე, კავალიოვი? 2016 წელს მოხდა ეს, მაშინ სად იყავით? სად იყავით მაშინ? რა მნიშვნელობა აქვს, რასთან დაკავშირებით იყვნენ? სად იყავით მაშინ? ეს არის ის, რომ 2016 წელს კიდევ ჰქონდა თითქოს იმედი „ნაციონალურ მოძრაობას“ არჩევნებით რამეს გააწყობდა. ახლა დაკნინების პროცესი რომ მოხდა და გამორიცხულია, რომ არჩევნების პროცესით მოვიდნენ ხელისუფლებაში, ნებისმიერ საბაბს ეძებდნენ, რომ სიტუაცია აეყირავებინათ. ეს იყო 2016 წელს. გეკითხებით, იცით, რომ სლოცკი იყო საქართველოში? იყო „ფე-ეს-ბეს“ ყოფილი შეფი, როგორც დეპუტატი. სად იყავით მაშინ?“, – განაცხადა ბიძინა ივანიშვილმა.


დღეს ბათუმში პარტია „ქართული ოცნება – დემოკრატიული საქართველოს“ თავმჯდომარემ ბიძინა ივანიშვილმა „ქართული ოცნების“ პარტიული შეხვედრა გამართა, სადაც „ქართული ოცნების“ რეგიონულ ხელმძღვანელად თორნიკე რიჟვაძე აირჩიეს. შეხვედრის შემდეგ ბიძინა ივანიშვილმა ჟურნალისტების შეკითხვებს უპასუხა.

 

წყარო: kvira.ge

წაკითხულია : 118


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები