საზოგადოება

ირაკლი ქარსელაძე: რიკოთის საუღელტეხილო გზაზე 4-ზოლიანი მაგისტრალი მოეწყობა

13.08.19 14:00


საქართველოს რეგინული განვითარებისა და ინფრასტრუქტურის მინისტრის პირველმა მოადგილემ, საავტომობილო გზების დეპარტამენტის თავმჯდომარემ – ირაკლი ქარსელაძემ სასტუმრო „შერატონ მეტეხი პალასში“ საავტომობილო გზების დეპარტამენტის მიერ 6 თვის განმავლობაში გაწეული საქმიანობის ანგარიში წარადგინა და გზების დეპარტამენტის პრიორიტეტულ მიმართულებებზე ისაუბრა.

„შთამბეჭდავი 6 თვე გამოვიდა. მაგისტრალური გზების მშენებლობა არის უმთავრესი პრიორიტეტი და აღმოსავლეთ დასავლეთის ავტომაგისტრალი არის ჩვენი მთავარი გამოწვევა. ეს მარშრუტი იწყება წითელი ხიდან და შეადგენს 430 კილომეტრს სარფამდე. ამ დროისთვის, 200 კილომეტრი ჩქაროსნული გზა აშენებულია და 140 კილომეტრის მშენებლობა მიმდინარეობს. წელს, სამუშაოები დაიწყო ისეთ უმნიშვნელოვანეს პროექტზე როგორიც რიკოთის საუღელტეხილო მონაკვეთია. დღეის მდგომარეობით სამუშაოები ერთდროულად მიმდინარეობს ორ, ხევი უბისასა და უბისა-შორაპანის მონაკვეთებზე, პირველ, ჩუმათელეთი-ხევის მონაკვეთზე ხელშეკრულება ფრომდება, ასევე მე-4 შორაპანი-არგვეთას მონაკვეთზე სატენდერო წინადადებები აგვისტოში გაიხსება და წლის ბოლომდე გაფორმდება ხელშეკრულება. რაც შეეხება წითელი-ხიდის მონაკვეთს მზადდება სატენდერო დოკუმენტაცია, ხოლო ინტენსიური საპროექტო სამუშაოები მიმდინარეობს ბათუმი-სარფის მონაკვეთზე.

2020-2022 წლამდე ეტაპობრივად მოხდება ჩქაროსნული გზის სხვადასხვა მონაკვეთების ექსპლუატაციაში შეყვანა და 2021 წელს უკვე ვგეგმავთ სამშენებლო სამუშაოების დაწყებას ბათუმი-სარფის მონაკვეთზე.

საბოლოდ, წითელი ხიდიდან-სარფამდე გადაადგილება 4-4.5 საათში იქნება შესაძლებელი, რაც ნიშნავს იმას, რომ არსებული მანძილი მოკლდება 30 კილმეტრით და არსებული მგზავრობის დრო, ფრაქტობრივად, ნახევრდება. წითელი ხიდან-სარფამდე მგზავრობა ნახევარ დროში, უსაფრთო საგზაო მოძარაობის პირობებში იქნება შესაძლებელი“, – აღნიშნა ღონისძიებაზე ირაკლი ქარსელაძემ.

რიკოთის საუღელტეხილო გზა, ჯამურად, 51 კმ-ია და ერთ-ერთი რთული მონაკვეთია, მოიცავს 96 ხიდს და 53 გვირაბს, რაც, საბოლოოდ, უზრუნველყოფს 4-ზოლიანი მაგისტრალის მოწყობას. რიკოთის საუღელტეხილო მონაკვეთის მოდერნიზება უმნიშვნელოვანესია საგზაო ქსელის განვითარებისა და თანამედროვე სტანდარტებთან შესაბამისობაში მოყვანის კუთხით.




წყარო : /www.kvira.ge/

წაკითხულია : 163


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები