საზოგადოება

მამუკა ბახტაძე: საქართველოში აუცილებლად იქნება უზრუნველყოფილი მედიაპლურალიზმი და მედიის თავისუფლება

13.08.19 16:20


საქართველოში აუცილებლად იქნება უზრუნველყოფილი მედიაპლურალიზმი და მედიის თავისუფლება, – ამის შესახებ საქართველოს პრემიერ-მინისტრმა მამუკა ბახტაძემ ჟურნალისტებს „რუსთავი 2″-ის ირგვლივ განვითარებულ მოვლენებთან დაკავშირებით დასმული კითხვის საპასუხოდ განუცხადა.

მთავრობის მეთაურის შეფასებით, სწორედ მედიაპლურალიზმი და თავისუფლება არის გარანტი იმისა, რომ საქართველო განვითარებას გააგრძელებს.

“მედიაპლურალიზმი და მედიის თავისუფლება არის ყველაზე დიდი მონაპოვარი, რომელსაც ჩვენ განსაკუთრებით ვუფრთხილდებით. ეს არის სწორედ ის ყველაზე მნიშვნელოვანი პრიორიტეტი, რომელიც აქვს ჩვენს ხელისუფლებას და ქართულ საზოგადოებას ეს ძალიან კარგად ესმის”, – განაცხადა პრემიერმა.

მამუკა ბახტაძემ „რუსთავი 2″-ის გასხვისებასთან დაკავშირებით ოპონენტების ნაწილის მიერ გაკეთებულ შეფასებებს ზღაპრები უწოდა და განაცხადა, რომ ისინი მხოლოდ კონსპირაციული თეორიების შექმნით არიან დაკავებული.

„სამწუხაროდ ჩვენი ოპონენტები აგრძელებენ მსგავსი კონსპირაციული თეორიებით საუბარს. საზოგადოება, თავის მხრივ, რა თქმა უნდა, აკეთებს ჯანსაღ შეფასებას”, – განაცხადა მამუკა ბახტაძემ.




წყარო : /www.kvira.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები