საზოგადოება

Wizz Air ბოლონიისა და კიოლნის მიმართულებით იწყებს ფრენას

23.08.19 12:50


Wizz Air ქუთაისიდან ორი ახალი ქალაქის, ბოლონიისა (იტალია) და კიოლნის (გერმანია) მიმართულებით ფრენების დაწყებას აანონსებს.

როგორც ავიაკომპანია აცხადებს, მათ უკვე დაანონსეს ქუთაისიდან ნიცას მიმართულებით ფრენების დაწყება და მილანის მიმართულებით ფრენის სიხშირის ზრდა.

ახალი მიმართულებებით ბილეთების შეძენა უკვე შესაძლებელია wizzair.com-ზე, მათი ფასი კი 77.99 ლარიდან/24.99 ევროდან იწყება.

ბოლონიის მიმართულებით რეისები 2019 წლის 23 ნოემბრიდან, სამშაბათსა და შაბათს შესრულდება, კიოლნის მიმართულებით კი 2020 წლის 1 ივლისიდან – ოთხშაბათსა და კვირას. გარდა ამისა, ავიაკომპანია 2019 წლის 19 ნოემბრიდან კვირაში ოთხჯერ იფრენს მილანის მიმართულებით.

ქართულ ავიაბაზარზე შემოდის კიდევ ერთი დაბალბიუჯეტური ავიაკომპანია Ryanair, რომელიც პირველ ეტაპზე იფრენს ბოლონიის, მილანისა და მარსელის მიმართულებით, 2020 წლიდან კი 12 ახალ მიმართულებას დაამატებს. რაც შეეხება Wizz Air-ს, ის საქართველოდან უკვე 41 მიმართულებით დაფრინავს.





წყარო : /www. netgazeti.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები