მსოფლიო

დიმიტრი პესკოვი ზელიმხან ხანგოშვილზე - ამ მკვლელობასთან რუსეთის სახელმწიფოს კავშირი არ აქვს

28.08.19 17:00


კატეგორიულად უარვყოფ ნებისმიერ კავშირს ამ ინციდენტს, ამ მკვლელობასა და ოფიციალურ რუსეთს შორის, - განუცხადა რუსეთის პრეზიდენტის პრესმდივანმა დიმიტრი პესკოვმა „როიტერის“ ჟურნალისტს ზელიმხან ხანგოშვილის მკვლელობასთან დაკავშირებით.

მისივე სიტყვებით, რუსეთს და მის ოფიციალურ ორგანოებს ეთნიკურად ჩეჩენი დევნილის მკვლელობასთან კავშირი არ აქვს.

შეგახსენებთ, რომ 40 წლის ზელიმხან ხანგოშვილი, ბერლინში, პარასკევს მოკლეს. მას თავში ორჯერ ესროლეს. გერმანიის პროკურატურა განიხილავს იმ ვერსიასაც, ხომ არ იყო ამ მკვლელობაში პოლიტიკური მოტივიც.

მედიაში გავრცელებული ინფორმაციით, მკვლელობის საქმეზე დაკავებული პირი სავარაუდოდ, რუსეთის მოქალაქეა.




წყარო : IPN /www.interpressnews.ge/

წაკითხულია : 199


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები