პოლიტიკა

არჩილ თალაკვაძე და თამარ ჩუგოშვილი აშშ-ის კონგრესის თანამშრომლების დელეგაციას შეხვდნენ

03.10.19 15:10


პარლამენტის თავმჯდომარე არჩილ თალაკვაძე და პირველი ვიცე-სპიკერი თამარ ჩუგოშვილი საქართველოში ვიზიტით მყოფ ამერიკის შეერთებული შტატების კონგრესის მრჩეველთა დელეგაციას შეხვდნენ. ამის შესახებ „ინტერპრესნიუსს“ საქართველოს პარლამენტიდან აცნობეს.

მათივე ცნობით, შეხვედრაზე საუბარი ამერიკის შეერთებული შტატების და საქართველოს შორის არსებულ სტრატეგიულ ურთიერთობებს და საქართველოს პარლამენტსა და აშშ კონგრესს შორის თანამშრომლობას შეეხო.

არჩილ თალაკვაძემ სტუმრებს საქართველოში მიმდინარე და დაგეგმილი ეკონომიკური რეფორმები და საკანონმდებლო სიახლეები გააცნო.

შეხვედრაზე ამერიკულმა მხარემ საქართველოსა და რეგიონში მიმდინარე მოვლენების, ასევე, საქართველოს ნატო-ში გაწევრიანების გზაზე არსებული საკითხების მიმართ დაინტერესება გამოხატა. სტუმრები დაინტერესდნენ ქვეყნაში გატარებული საკონსტიტუციო, საარჩევნო, ეკონომიკური და სასამართლო რეფორმებით.

როგორც კონგრესის თანამშრომლებმა განაცხადეს, ვიზიტის მიზანია ქვეყნის უკეთ გაცნობა, რაც კიდევ უფრო ინტენსიურს გახდის საქართველოსა და ამერიკის კონგრესს შორის ურთიერთობას.



წყარო : IPN /www.interpressnews.ge/

წაკითხულია : 208


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები