ეკონომიკა

“პარლამენტმა მედიკამენტებზე რეგულაციების შესახებ საკანონმდებლო ინიციატივა უნდა განიხილოს”

08.10.19 16:20


პარლამენტმა მედიკამენტებზე რეგულაციების შესახებ საკანონმდებლო ინიციატივა უნდა განიხილოს.

აღნიშნული კანონ-პროექტის ინიციატორები, საპარლამენტო უმრავლესობის წევრი მირიან წიკლაური და “ქართული დასის” ლიდერი ჯონდი ბაღათურია არიან.

“საქართველოში მედიკამენტებზე ფასები მნიშვნელოვნად მეტი არის ვიდრე ჩვენს მეზობელ ქვეყნებში. 6-ჯერ, 10-ჯერ უფრო ძვირია ჩვენთან, თან ისეთი მედიკამენტების ფასები, რომლებიც თითქმის ყოველდღიურ მოხმარებაში არის. უკვე დრო არის, რომ სახელმწიფო აქტიურად ჩაერიოს ფასების რეგულაციაში,” – აღნიშნა მირიან წიკლაურმა.

ჯონდი ბაღათურიას თქმით კი, მათ მიერ მომზადებული კანონ-პროექტი სხვა სახელმწიფოების მაგალითებს ეყრდნობა.

“ჩვენ მოვამზადეთ კანონ-პროექტი, რომელიც ეყრდნობა ბრიტანეთის, რუსეთის, საფრანგეთის, აშშ-ს, იაპონიისა, გერმანიის და ინდოეთის მაგალითებს, სადაც პირდაპირი რეგულაციები არის დაწესებული. სადაც სახელმწიფო, მთავრობა ადგენს ბიჯს, რამხელა ბიჯი შეიძლება ჰქონდეს ფასწარმოქმნის ყველა ეტაპზე მედიკამენტებს,” – აღნიშნა ბაღათურიამ.



წყარო : /www.kvira.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები