საზოგადოება

დევნილები ჯანდაცვის მინისტრთან შეხვედრის მოთხოვნით აქციას მართავენ

16.10.19 17:20


საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან შეკრებილი დევნილები მინისტრ ეკატერინე ტიკარაძესთან შეხვედრას ითხოვენ. აქციის ერთ-ერთი ორგანიზატორის, თენგო ცინდელიანის თქმით, იმ შემთხვევაში, თუ მინისტრი დღის ოთხ საათამდე მათთან შესახვედრად არ ჩამოვა, აქციის მონაწილეები თავად შეეცდებიან სამინისტროში შეღწევას:

“უკვე ერთი თვეა, რაც სამინისტროს წარმომადგენლებისგან პასუხს ვითხოვთ კითხვებზე, რატომ არ გვაკმაყოფილებენ საცხოვრებელი ფართებით იმ ოჯახებს, ვისაც 6-ბალიანი ზღვარის ზემოთ გვაქვს მინიჭებული ქულები და რატომ გადასცეს 3-ქულიან ოჯახებს ბინები” – ამბობს ცინდელიანი – “თუ დაცვა მინისტრთან შესვლის საშუალებას არ მოგვცემს, მაშინ განგვიმარტონ მაინც მიზეზი. მინისტრს ხომ მაინც არ სჭირდება საშვი, დაბლა რომ ჩამოვიდეს?”

ცინდელიანის განმარტებით, 59 ოჯახი აკმაყოფილებს სპეციალური დახმარებისა და საცხოვრებელი ფართის მინიჭების კრიტერიუმებს, თუმცა მათგან მხოლოდ 3 ოჯახის მოთხოვნები შესრულდა.

დღევანდელი აქციის მონაწილეების ძირითადი კითხვები ქულების მინიჭების სისტემასა და დაბალქულიანი ოჯახებისთვის საცხოვრებელი ფართების გადაცემას შეეხება.




წყარო : /www. netgazeti.ge/

წაკითხულია : 91


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები