პოლიტიკა

მთავრობა მაღალმთიან რეგიონებში მევენახეობა-მეღვინეობის განვითარებას იწყებს

07.11.19 14:00


"მთავრობა მაღალმთიან რეგიონებში მევენახეობა-მეღვინეობის განვითარებას იწყებს",- ამის შესახებ სოფლის მეურნეობის მინისტრმა ლევან დავითაშვილმა განაცხადა.

მისი თქმით, მთავრობის დღევანდელ სხდომაზე სასოფლო-სამეურნეო კოოპერატივების მორიგი პროგრამა წარადგინეს, რომელიც ხელს შეუწყობს მაღალმთიან რეგიონებში მევენახეობა-მეღვინეობის კოოპერატივების ჩამოყალიბებას.

"დღეს მთავრობის სხდომაზე სასოფლო-სამეურნეო კოოპერატივების მორიგი პროგრამა წარვადგინეთ, რომელიც მევენახეობის ხელშეწყობას ითვალისწინებს. ეს პროექტი საქართველოში 2017 წლიდან არსებობს. ჩვენ გარკვეული მოდიფიკაციები შევიტანეთ და მივეცით საშუალება მაღალმთიან რეგიონებში და ისეთ დასახლებებში, სადაც არც თუ ისე განვითარებულია მევენახეობა, რომ მათ მივცეთ სტიმული და ჩამოვაყალიბოთ მევენახეობა-მეღვინეობის კოოპერატივები, გადაამუშაონ თავიანთი მოყვანილი პროდუქცია - ყურძენი და აწარმოონ მაღალი ხარისხის ღვინოები. რეგიონებში ვიზიტისას, შეხვედრების დროს, ეს საკითხი აქტიურად ისმოდა ხოლმე. განსაკუთრებით მეღვინეობის ტრადიციულ რეგიონებში, სადაც სამწუხაროდ დღეს ჩამორჩენა გვაქვს.

ყოველთვის იყო ღვინის წარმოების ტრადიციები იმერეთში, რაჭა-ლეჩხუმში, ქართლში და ა.შ. ვფიქრობთ, რომ უფრო მეტ ბენეფიციარს ჩავრთავთ ამ პროგრამაში", - აღნიშნა ლევან დავითაშვილმა.




წყარო : /www .pia.ge/

წაკითხულია : 226


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები