პოლიტიკა

საგამოძიებო სამსახურს ლატვიის რესპუბლიკის შემოსავლების სახელმწიფო სამსახურის საგადასახადო და საბაჟო პოლიციის დეპარტამენტის დელეგაცია ეწვია

07.11.19 17:20


საგამოძიებო სამსახურის ხელმძღვანელმა სოსო რამიშვილმა და მისმა მოადგილეებმა, ლატვიის რესპუბლიკის შემოსავლების სახელმწიფო სამსახურის საგადასახადო და საბაჟო პოლიციის დეპარტამენტის დირექტორს კასპარს პოდინიშს და მის მოადგილეს კრისტინა პრუსაკა - ბრინკმანეს უმასპინძლეს.

საგამოძიებო სამსახურის ხელმძღვანელმა სტუმრებს დეტალურად გააცნო საგამოძიებო სამსახურის საქმიანობა, სპეციფიკა, პრიორიტეტები და ძირითადი მიმართულებები, ასევე, გაეროს ნარკოტიკებისა და დანაშაულის წინააღმდეგ ბრძოლის ოფისის (UNODC) და მსოფლიო საბაჟო ორგანიზაციის (WCO) ერთობლივი პროექტის - კონტეინერების კონტროლის პროგრამის საქმიანობა და მიღწეული შედეგები.

შეხვედრაზე, ქართულმა და ლატვიურმა მხარეებმა, განიხილეს საფინანსო - ეკონომიკურ სფეროში არსებული ორმხრივი თანამშრომლობის, ანალიტიკური საქმიანობის დახვეწის და გაუმჯობესების, ინფორმაციის ოპერატიულად გაცვლისა და სხვა აქტუალური პრობლემების ეფექტიანად გადაჭრის ერთობლივი გზების მოძიებასთან დაკავშირებული საკითხები. საუბარი ასევე შეეხო, გადასახადებისთვის თავის არიდებას, ფულის გათეთრებას, აქციზს დაქვემდებარებული პროდუქციის არალეგალურ ბრუნვას, დღგ-ს გადასახადისგან ზედმეტობის დაბრუნების ახალ სისტემას და საფინანსო - ეკონომიკურ სფეროში ჩადენილი სხვა სახის დანაშაულის წინააღმდეგ ბრძოლას.

შეხვედრის დასასრულს, ქართველმა და ლატვიელმა სამართალდამცავებმა აღნიშნეს, რომ ამ სახის თანამშრომლობა ხელს შეუწყობს საფინანსო - ეკონომიკური დანაშაულების რისკის მინიმუმამდე დაყვანას, ორივე სახელმწიფოს ინტერესებიდან და იმ სავაჭრო ურთიერთობებიდან გამომდინარე, რომელიც არსებობს ლატვიასა და საქართველოს შორის.




წყარო : /www.newposts.ge/

წაკითხულია : 460


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები