საზოგადოება

გენერალურ პროკურატურაში მსჯავრდებული პირების მიერ განმეორებით ჩადენილი დანაშაულის კვლევის პრეზენტაცია მიმდინარეობს

21.11.19 13:10


გენერალურ პროკურატურაში მსჯავრდებული პირების მიერ განმეორებით ჩადენილი დანაშაულის კვლევის პრეზენტაცია მიმდინარეობს.

შეხვედრა გენერალური პროკურორის მოადგილემ გიორგი ბადაშვილმა და საქართველოს შინაგან საქმეთა მინისტრის მოადგილემ ნინო ცაციაშვილმა გახსნეს. დამსწრე საზოგადოებას სიტყვით მიმართა გრაიფსვალდის უნივერსიტეტის კრიმონოლოგიის კათედრის გამგემ, დოქტორმა სტეფან ჰარენსდორფმა. მკვლევარებმა პრეზენტაციის ფარგლებში ისაუბრეს საქართველოში მსჯავრდებული პირების მიერ განმეორებით ჩადენილი დანაშაულის გამომწვევ მიზეზებზე, მათ რაოდენობრივ თუ შინაარსობრივ სტრუქტურასა და გამოყენებული სასჯელის პრევენციულ მიზნებზე.

შეხვედრაზე აღინიშნა, რომ ჩატარებული კვლევა ხელს შეუწყობს ახალი ინიციატივების განვითარებას განმეორებითი დანაშაულის შემცირების მიმართულებით.

საქართველოში, აღნიშნული კვლევა, პირველად 3 წლის წინათ პროკურატურის ინიციატივით დაიწყო. მოგვიანებით, პროცესში ჩაერთო შინაგან საქმეთა სამინისტრო, ასევე, გერმანული მხარე.

კვლევის ძირითად მიზანი იყო საქართველოში განმეორებითი დანაშაულის ჩადენის ძირითადი მიზეზებისა და სამართალდამცავი სტრუქტურების მიერ განხორციელებული ღონისძიებების ეფექტიანობის შედეგების განსაზღვრა.




წყარო : /www .pia.ge/

წაკითხულია : 244


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები