პოლიტიკა

ინაშვილი ლორა თორნტონის მიმართ გამოძიების დაწყებას ითხოვს

21.01.20 10:00


“პატრიოტთა ალიანსის” ლიდერი, პარლამენტის ვიცესპიკერი ირმა ინაშვილი NDI-ის და IRI-ს საქართველოს ოფისებს საქართველოს სახელმწიფოებრიობის წინააღმდეგ მიმართულ საქმიანობაში ადანაშაულებს.

ირმა ინაშვილი ეჭვობს, რომ გავლენიანი საერთაშორისო ორგანიზაცია “ნაციონალურ მოძრაობისა” და “ევროპული საქართველოსთან” სასარგებლოდ კვლევების აყალბებს.

მეტიც, ინაშვილი ამბობს, რომ NDI-საქართველოს დირექტორი ლორა თორნტონი კორუფციაშია ჩაბმული და მის წინააღმდეგ გამოძიების დაწყებას მოითხოვს.

“მე ჯერ კიდევ 2017 წელს მოვითხოვე დაწყებულიყო გამოძიება, რომელიც შეისწავლიდა ამ ორგანიზაციების (NDI, IRI) თბილისის ოფისების და მათი ქართველი პარტნიორების საქმიანობას, რომლებიც კვლევის საველე სამუშაოებს ეწევიან. დღეს მინდა, კვლავ წამოვწიო წინა პლანზე ეს მოთხოვნა. NDI-ის თბილისის ოფისის ხელმძვანელი ლორა თორნტონი, მე ასე ვფიქრობ, ფინანსურად არის დაინტერესებული “ნაციონალური მოძრაობის” ლიდერების მხრიდან”, ადგილი აქვს კორუფციას, ის ფულს იღებს ამ კვლევებში და ამ მონაცემების გავრცელებაში. ვინაიდან მე მაქვს ასეთი ეჭვი, მოვითხოვ, საგამოძიებო სტრუქტურებმა დაიწყონ გამოძიება”, - განაცხადა ინაშვილმა.




წყარო : /www.newposts.ge/

წაკითხულია : 163


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები