პოლიტიკა
24.02.20 17:00
გამოსვლაში ზალკალიანმა ყურადღება გაამახვილა საქართველოს აფხაზეთისა და ცხინვალის რეგიონებში ადამიანის უფლებებსა და ჰუმანიტარულ ვითარებაზე.
მინისტრმა ხაზი გაუსვა, რომ ადამიანის უფლებათა საბჭოს რეზოლუციის პირდაპირი მოწოდებებისა და უმაღლესი კომისრის განმეორებითი ძალისხმევის მიუხედავად, უმაღლესი კომისრის ოფისი დღემდე ვერ ახერხებს საქართველოს ოკუპირებულ რეგიონებში შესვლას, მაშინ, როდესაც ადგილზე ჰუმანიტარული ვითარება მუდმივად უარესდება და ყოველდღიურად ირღვევა ეთნიკური ქართველების ფუნდამენტური უფლებები. აღინიშნა, რომ ორივე რეგიონში გაძლიერებული ეთნიკური დისკრიმინაციის სიცოცხლის, თავისუფლების, საკუთრებისა და ჯანმრთელობის უფლებების დარღვევის, თვითნებური დაკავებებისა და გატაცებების, და მშობლიურ ენაზე განათლების ხელმისაწვდომობის შეზღუდვის ფონზე, ადგილობრივი მოსახლეობა მოკლებულია სასიცოცხლოდ აუცილებელ უსაფრთხოების მინიმალურ ზომებს.
„საოკუპაციო რეჟიმის მიერ ახლახან მიღებული გადაწყვეტილება, ცხინვალის რეგიონში საქართველოში წარმოებული და ქართულად მარკირებული მედიკამენტების ამოღებისა და გაყიდვის აკრძალვის დაწყების შესახებ წარმოადგენს ჯანმრთელობის უფლებაზე მიტანილ შემდგომ იერიშს და საფრთხეში აგდებს ადგილობრივი მოსახლეობის სიცოცხლეს”- განაცხადა მინისტრმა.
თავის გამოსვლაში მინისტრმა ასევე ისაუბრა საქართველოს ტერიტორიაზე მავთულხლართებისა და სხვა ხელოვნური წინაღობების აღმართვის შედეგად გადაადგილების თავისუფლების შეზღუდვაზე, რაც კიდევ უფრო ამწვავებს ადგილზე ჰუმანიტარულ ვითარებას და ფატალური შემთხვევებითაც კი სრულდება. მან საბჭოს კიდევ ერთხელ შეახსენა ოკუპირებულ რეგიონებში ქართველი მოქალაქეების სიცოცხლის ხელყოფის ფაქტები, კერძოდ ირაკლი კვარაცხელიას, დავით ბაშარულის, გიგა ოთხოზორიას და არჩილ ტატუნაშვილის საქმები.
„ამგვარი მიდგომა კიდევ უფრო ამწვავებს დაუსჯელობის შეგრძნებას, და მეტიც, ამძაფრებს ეთნიკური ქართული მოსახლეობის მიმართ ძალადობას” – აღნიშნა ზალკალიანმა.
მინისტრმა მადლობა გადაუხადა ყველა საერთაშორისო პარტნიორსა და ორგანიზაციას მათი ძალისხმევისთვის, რომელსაც მოჰყვა ექიმ ვაჟა გაფრინდაშვილის გათავისუფლება და ხაზი გავუსვა წევრი სახელმწიფოების მხრიდან „ოთხოზორია-ტატუნაშვილის სიის” მხარდაჭერის, როგორც ოკუპირებულ ტერიტორიებზე ადამიანის უფლებების დამრღვევი პირებისათვის შემზღუდველი ზომების დაკისრების გზით, სიტუაციის შემდგომი გაუარესებისაგან თავის აცილების მიზნით პრევენციული ნაბიჯის მნიშვნელობას.
გამოსვლაში მინისტრი ასევე შეეხო იძულებით გადაადგილებული და დევნილი პირების საკუთარ სახლში უსაფრთხო და ღირსეული დაბრუნების უფლების შეზღუდვას.
„ჩვენ მტკიცედ გვჯერა, რომ პოლიტიკური გადაწყვეტილების არარსებობა ვერ იქნება და არ უნდა ქმნიდეს დაბრკოლებას იმ ადამიანების ფუნდამენტური უფლებებისა და თავისუფლებების დაცვის კუთხით, რომლებიც მოკლებულნი არიან მინიმალურ უსაფრთხოების ზომებს დევნის საშიშროების პირობებში. შესაბამისად, საერთაშორისო თანამეგობრობის, პირველ რიგში კი ადამიანის უფლებათა საბჭოს, მტკიცე პოზიცია არსებითია. რუსეთის საოკუპაციო პოლიტიკის შედეგებზე ეფექტურად გამკლავება, იქნება ეს საქართველოსა თუ უკრაინაში, შეუძლებელია მტკიცე საერთაშორისო პასუხის გარეშე. თუმცა ადგილზე პოზიტიური ცვლილებების ერთადერთი გზა ვალდებულებების შესრულების დაწყებაა”- განაცხადა ზალკალიანმა.
მინისტრმა ასევე ისაუბრა რუსეთის მიერ საქართველოს მთავრობისა და კერძო უწყებების სერვერებსა და ვებგვერდებზე განხორციელებულ, ფართომასშტაბიან კიბერ-თავდასხმაზე, რაც რუსეთის მიერ საქართველოს წინააღმდეგ წარმოებული ჰიბრიდული ომის კიდევ ერთ განზომილებას წარმოადგენს, საერთაშორისო ნორმებსა და პრინციპებს ეწინააღმდეგება და ძირს უთხრის საქართველოს სუვერენიტეტსა და დემოკრატიული განვითარებას.
„მადლიერი ვარ ყველა საერთაშორისო პარტნიორის ამ შეტევის დაგმობისთვის, რომელიც მიმართული იყო საქართველოს ეროვნული უსაფრთხოების წინააღმდეგ და მიზნად ისახავდა საქართველოს მოქალაქეებისა და სამთავრობო სტრუქტურებისათვის ზიანის მიყენებას, სხვადასხვა ორგანიზაციის ფუნქციონირების შეფერხებისა პარალიზების გზით”- აღნიშნა ზალკალიანმა.
წყარო : /www.kvira.ge/
წაკითხულია : 154
დატოვეთ კომენტარები
ახალი ამბები
-
სომხეთი და რუსეთი - ‘ალიანსიდან’ ღია მტრობამდე...
18:2425.04.24
-
18:0025.04.24
-
17:2725.04.24
-
ირაკლი კობახიძე უნგრეთის პრემიერ-მინისტრ ვიქტორ ორბანს შეხვდა
16:5025.04.24
-
16:2225.04.24
-
16:0025.04.24
-
15:3825.04.24
-
თვითმკვლელობამდე მიყვანის და ადევნების ფაქტებზე პროკურატურამ ერთ პირს ბრალდება წარუდგინა
15:0025.04.24
-
14:3525.04.24
-
14:1525.04.24
-
შალვა პაპუაშვილი - ევროპის სახელით მსჯელობას კრძალავენ
13:4925.04.24
-
13:2625.04.24
-
ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
12:5125.04.24
-
12:3025.04.24
-
12:1025.04.24
-
Le Figaro - საქართველოში სრიალი ეგზოტიკური, ხელმისაწვდომი და თავგადასავლებით სავსეა
11:4525.04.24
-
3 თვის მონაცემებით, საქართველოში თავშესაფრის მაძიებლად 379 პირია აღრიცხული
11:0025.04.24
-
10:3725.04.24
-
10:0025.04.24
-
18:0024.04.24
-
17:4024.04.24
-
17:2024.04.24
-
ირაკლი კობახიძე ვიქტორ ორბანს შეხვდება
17:0024.04.24
-
თორნიკე რიჟვაძე - წელს ტურიზმის მიმართულებით დადებითი დინამიკა იქნება
16:4024.04.24
-
გიორგი ამილახვარმა გაეროს მუდმივ კოორდინატორთან საქართველოში სამუშაო შეხვედრა გამართა
16:1824.04.24
-
ლაზარე გრიგორიადისმა საპატიმრო დატოვა
15:5324.04.24
-
აქონდროპლაზიის სამკურნალო მედიკამენტ „ვოსორიტიდის“ გეოგრაფიული ხელმისაწვდომობა გაიზრდება
15:2024.04.24
-
მამუკა მდინარაძე - წარმოუდგენელია, საკანონმდებლო საქმიანობისთვის ევროსტრუქტურამ სანქციები დააწესოს
15:0024.04.24
-
თავდაცვის მინისტრი საქართველოში ლიეტუვის რესპუბლიკის ელჩს შეხვდა
14:3524.04.24
-
ოთარ შამუგიამ ქართულ-ებრაული ინვესტიციით გაშენებული თხილის ბაღი დაათვალიერა
14:1524.04.24
-
კახა კალაძე - სტადიონის მშენებლობაზე პრემიერ-მინისტრის ინიციატივა მეგაპროექტია
13:5224.04.24
-
პაატა მანჯგალაძე - 29 აპრილს, „ქართული ოცნების“ შეკრება იქნება მიკროავტობუსების აქცია
13:3024.04.24
-
13:1024.04.24
-
12:4724.04.24
-
შალვა პაპუაშვილი: ბოლო დროს გვიკრძალავენ დისკუსიას, ფიქრს, განხილვას
11:4024.04.24
-
ოთარ შამუგია სამეგრელოში მეთხილე ფერმერებს შეხვდა
11:2124.04.24