საზოგადოება

14 დღის ჩვილს კორონავირუსი არ დაუდასტურდა, ის უკეთაა – ექიმი

26.03.20 13:20


14 დღის ჩვილს, რომელიც კორონავირუსის ეჭვით თბილისში, პირველ საუნივერსიტეტო კლინიკაში მოათავსეს – COVID 19 არ დაუდასტურდა.

ამის შესახებ ჟურნალისტებთან ექიმმა ლალი ტურძელაძემ განაცხადა.

„მდგომარეობა გაცილებით უკეთესია, გუშინ როდესაც ბავშვი შემოიყვანეს მისი მდგომარეობა კრიტიკული იყო, ახლა კი შეიძლება ითქვას, რომ ის საშუალო სიმძიმისაა ანუ დინამიკა დადებითია.

ჩვენ ოჯახის წევრებიდან ასევე ვიცით, რომ ბავშვის დედის მდგომარეობაც გაუმჯობესდა, მას აღარ აქვს ტემპერატურა. გარდა ამისა, ბავშვის გუშინ აღებული ტესტით კორონავირუსი არ დაუდასტურდა, ტესტი უარყოფითი იყო,“ – ამბობს ტურძელაძე.

24 მარტს მარნეულიდან თბილისში პირველ საუნივერსიტეტო კლინიკაში ახალშობილი გადაიყვანეს. სიმპტომებიდან გამომდინარე ექიმებს ეჭვი კორონავირუსზე ჰქონდათ. ნიმუშები შემდგომ ლუგარში გადაიგზავნა, საიდანაც, როგორც ლალი ტურძელაძე ამბობს, უარყოფითი პასუხი მოვიდა.

26 მარტის დილის მდგომარეობით, საქართველოში კორონავირუსის 77 შემთხვევა დასტურდება, აქედან გამოჯანმრთელებულია – 10.




წყარო : /www. netgazeti.ge/

წაკითხულია : 163


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები