საზოგადოება

ეკატერინე ტიკარაძე: COVID-19-თან ბრძოლის აპლიკაცია, ეფექტურ შედეგს მოგვცემს

03.04.20 14:20


ჯანდაცვის მინისტრის ეკატერინე ტიკარაძის განცხადებით, სატელეფონო აპლიკაცია, რომელიც კორონავირუსის გადადების საფრთხეს ამცნობს, რამდენიმე ქვეყანაში გაიტესტა. საქართველო კი, პირველი იქნება ევროპაში, რომელიც ამ აპლიკაციით COVID-19-თან ბრძოლას გააგრძელებს.

"კორეაში აპლიკაციის საშუალებით ერთ-ერთი წარმატებით იმართა კორონავირუსი, ვინაიდან იქ კონკრეტულად იყო გამოკვეთილი, ვინ იყვნენ საკონტაქტო პირები, რაც ადამიანებს იმის საშუალებას აძლევდა, თავი აერიდებინათ სარისკო კოტაქტებისგან, ასევე დროულად მიემართათ ექიმისთვის იმ შემთხვევაში, თუ აპლიკაცია უჩვენებდა მათ საეჭვო კონტაქტთან ახლო რადიუსზე ყოფნას", - აღნიშნა მინისტრმა.

მისი თქმით, აპლიკაციაში ჩართვა და გადმოტვირთვა ნებაყოფლობითი იქნება. თუმცა, ვინაიდან ახალ კორონავირუსთან ბრძოლა დამოკიდებულია მოქალაქეების სოციალურ პასუხისმგებლობაზე, ის უნდა იყოს ძალიან მაღალი.

"ყველა მოქალაქის სოციალური პასუხისმგებლობა უნდა იყოს ძალიან მაღალი, ვინაიდან ჩვენ პასუხს ვაგებთ როგორც საკუთარი თავის, ისე ოჯახის წევრების ჯანმრთელობაზე. დარწმუნებული ვარ, მოსახლეობის უმეტესი ნაწილი, ნებაყოფლობით ჩაერთვება ამ აპლიკაციაში, საკუთარი ოჯახის წევრების და საკუთარი თავის უსაფრთხოებისათვის.

ჩვენ ჩავატარეთ კვლევა, ჩვენი მოქალაქეების რა ნაწილს შეუძლია ჩაერთოს ამ აპლიკაციაში და შედეგად გამოვლინდა, რომ შეგვიძლია სოციალური დისტანცირების და პრევენციის გაზრდა 40%-მდე, ეს იქნება ძალიან ეფექტური შედეგის მომცემი, იმისათვის, რომ აღვკვეთოთ კორონავირუსის გავრცელება საქართველოში", - აღნიშნა ეკატერინე ტიკარაძემ.



წყარო : /www .pia.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები