ანალიტიკა

სეპარატისტულ აფხაზეთში ანტიქართული და ანტისვანური ”კორონავირუსული” ისტერია

04.04.20 16:20


შეგახსენებთ, რომ ყველაზე მძაფრი წინააღმდეგობა სეპარატისტებსა და დამპყრობლებს 1992-1993 წლების ომის დროს გაუწიეს კოდორის ხეობის სვანმა ქართველებმა. სვანური ამბოხის დროს "კბილები გაიტეხა" ბაგრამიანის სახელობის ბატალიონმა, რომელმაც დიდი ზარალი განიცადა, მაგრამ ვერ შეძლო ღრმად შესვლა კოდორის ხეობაში. მივიდა მხოლოდ სოფელ ლატამდე და 2008 წლის აგვისტომდე, სვანების მიერ დასახლებული კოდორის ხეობა რჩებოდა აფხაზეთის ერთადერთ არაოკუპირებულ მხარედ.

2008 წლის აგვისტოში ძალები უკვე ძალიან არათანაბარი იყო. ქართული არმიისა და სვანური მილიციის მცირე და ცუდად შეიარაღებულმა დანაყოფებმა ვერ შეაკავეს რუსული სამხედრო მანქანები, რომლებიც ხეობაში ტანკებით, თვითმფრინავით და ელიტარული საჰაერო თავდასხმის ჯგუფებით დაეშვნენ. რუსულმა არმიამ და სეპარატისტებმა კოდორის ხეობაში მასობრივი ეთნიკური წმენდა ჩაატარეს, სვანების უმეტესობა განდევნეს. იმ 5 ათასი სვანიდან, რომლებიც ოკუპაციის წინ ხეობაში ცხოვრობდნენ, 100-ზე ნაკლები ადამიანი დარჩა, ძირითადად მოხუცები, რომლებიც ახლა გეტოში არიან. სპეციალური ნებართვის გარეშე მათ კოდორის ხეობის ქვედა ნაწილში ჩასვლის უფლებასაც არ აძლევენ.

სომეხ და აფხაზ ნაციონალისტებს სძულთ სვანები. ამრიგად, ისინი საშუალებას ხელიდან არ უშვებენ, რომ სეპარატისტული ტერიტორიის მოსახლეობა მტრულად განაწყონ ქართველი ხალხის ამ გამორჩეული ნაწილის მიმართ. კორონავირუსის ეპიდემიის ერთმა დრამატულმა შემთხვევამ განაპირობა სეპარატისტული აფხაზეთის ანტი-სვანური და ზოგადად ანტიქართული ისტერიის ახალი ტალღა.

ეს ყველაფერი იქიდან დაიწყო, რომ ნინო ხეცურიანი, გალის რაიონის სოფელ აბერკიტის მკვიდრი, მოსკოვიდან 29 მარტს ჩავიდა სოჭში, ურალის ავიახაზების რეისით U6 407. იმავე დღეს მან საზღვარი გადალახა და მთელი ოკუპირებული აფხაზეთის გავლით გალში ჩავიდა.

სახლში, ქალი ცუდად გახდა. მან ადგილობრივ საავადმყოფოს მიმართა.

ექიმებს, რომლებსაც (ისევე როგორც ყველგან სეპარატისტულ აფხაზეთში) არ აქვთ პირობები მეტ-ნაკლებად სერიოზული დაავადებების სამკურნალოდ, გადაწყვიტეს მისი ზუგდიდში გადაყვანა დემარკაციის ხაზის გავლით. დემარკაციის ხაზზე პაციენტს შეხვდა ინფექციური ბრიგადა, ხოლო უკვე ზუგდიდის საავადმყოფოში მას კორონავირუსი დაუდგინეს.

თუ პაციენტს სომხური ან "ტიპიურად აფხაზური" გვარი ექნებოდა, რომელიც დამთავრდებოდა "ბა" -ზე, მაშინ ეს შემთხვევა ძნელად მიიღებდა დიდ რეზონანსს. მაგრამ ქალის გვარი სვანურია - ხეცურიანი.

პროვოკატორებმა მაშინვე შეახსენეს აფხაზებს სოციალურ ქსელში "რა ცუდები არიან სვანები". სვანები და საქართველო დაადანაშაულეს სპეციალურ "ბიოლოგიურ დივერსიაში" "თავისუფლებისმოყვარე" სეპარატისტული აფხაზეთის წინააღმდეგ. გაჩნდა მოწოდებები ახალი ეთნიკური წმენდის ორგანიზებისთვის და სეპარატისტული ტერიტორიიდან, გამონაკლისის გარეშე, ყველა ქართველი სვანისა და ამავე დროს, ქართველი მეგრელების გალის რაიონიდან განდევნის.

სეპარატისტულ სოციალურ ქსელებში ეს პროვოკაციული ქსენოფობიური “ტალღა” ერთ რამეზე მეტყველებს, ისინი, ვინც ”თვალი დაადგეს” აფხაზეთის მიწებს, აპირებენ დაასრულონ ამ ტერიტორიის “გაწმენდის” პროცესი, ჯერ ქართული, შემდეგ კი აფხაზი მოსახლეობისგან. აფხაზეთში დარჩენილი რამდენიმე სვანი შესაძლოა ამ გეგმების პირველი მსხვერპლნი გახდნენ. მართლაც, კოდორის ხეობის „ქვედა ზონაში“, გულრიფშისა და ოჩამჩირის რაიონების მთისწინეთში და დაბლობებში, ეთნიკური სომხები დიდი ხანია აბსოლუტურად დომინირებენ. აქ, არსებითად, არის სომხური დასახლების უწყვეტი ზოლი.

ის ფაქტი, რომ ზემო კოდორის ხეობაში ქართველი სვანების რამდენიმე ოჯახი ცხოვრობს აბსოლუტურად უუფლებო მდგომარეობაში, ხოლო აღმოსავლეთით გალის რაიონში არის გეტოები, სადაც ასეთივე უუფლებო ქართველი მეგრელები ცხოვრობენ, არ აძლევს „მრავალტანჯული ერის“ ნაციონალისტებს სიმშვიდეს. ისინი მზად არიან გამოიყენონ ნებისმიერი პროვოკაცია ახალი გენოციდისა და ქართული მოსახლეობის ახალი ეთნიკური წმენდის მიზნით.




KavkazPlus

წაკითხულია : 514


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები