საზოგადოება

მაია ცქიტიშვილი მარნეულში სკოლების მშენებლობა-რეაბილიტაციის პროცესს გაეცნო

04.06.20 13:20


საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი მარნეულის მუნიციპალიტეტში სკოლების მშენებლობა-რეაბილიტაციის პროცესს გაეცნო.

"განათლების ინფრასტრუქტურის მოწესრიგება ჩვენი სამინისტროსთვის ერთ-ერთი პრიორიტეტული მიმართულებაა. მუნიციპალური განვითარების ფონდის მეშვეობით, მარნეულში, 7 ახალი სკოლა შენდება და მალე ტენდერზე მე-8 სკოლაც გამოვა, ქვეყნის მასშტაბით კი, მუნიციპალური განვითარების ფონდი, 59 ახალ სკოლას აშენებს და 80-ზე მეტი სკოლის კაპიტალურ რეაბილიტაციას ახორციელებს. ეს პროცესი ნაწილობრივ დასრულებულია და ყველა პროექტი შეესაბამება ახალი სკოლის სტანდარტს, ეწყობა საკლასო ოთახები და ლაბორატორიები, სააქტო დარბაზები, სპორტული მოედნები, სასადილო და სხვა აუცილებელი ინფრასტრუქტურა",- აღნიშნა მაია ცქიტიშვილმა.

მისივე თქმით, სკოლების მშენებლობა-რეაბილიტაციისთვის თანხა რეგიონებში განსახორციელებელი პროექტების ფონდიდანაც გამოიყოფა.

"რეგფონდიდან, შარშან, 600-ზე მეტი სკოლის მცირე სარემონტო სამუშაოები დავაფინანსეთ და წელსაც 40 მლნ ლარით, მთელი ქვეყნის მასშტაბით, ასევე დაფინანსდება პროექტები, რომლის ფარგლებში, პირველ რიგში, გაკეთდება ისეთი ინფრასტრუქტურა, როგორიცაა სველი წერტილები და სახურავები",- თქვა მაია ცქიტიშვილმა.



წყარო : /www .pia.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები