საზოგადოება

თემქაზე მოქალაქემ პოლიციელი დაჭრა, შემდეგ კი თავი მოიკლა – შსს

29.06.20 10:15


შინაგან საქმეთა სამინისტრო აცხადებს, რომ თემქაზე მოქალაქემ პოლიციელი დაჭრა, შემდეგ კი თავი მოიკლა.

პოლიციის ცნობით, საპატრულო პოლიციის ეკიპაჟი თემქის დასახლებაში ერთ-ერთ კორპუსში მივიდა „ოჯახურ კონფლიქტთან დაკავშირებით შესული შეტყობინების საფუძველზე“.

უწყების თანახმად, პოლიციის ადგილზე მისვლისას „შეტყობინების ინიციატორის მეუღლე“, 40 წლამდე ასაკის პირი, ინიციალებით გ.კ., „აგრესიული გახდა“ და კორპუსის მე-4 სართულზე სადარბაზოში მისული პატრულ-ინსპექტორი დაჭრა, რის შემდეგაც სიცოცხლე თვითმკვლელობით დაასრულა.

შსს-ს განცხადებით, „აღნიშნული პიროვნება სამედიცინო დაწესებულებაში მიყვანიდან მალევე გარდაიცვალა“.

დაჭრილი პოლიციელი (ინიციალებით დ.ბ.) კი მოთავსებულია სამედიცინო დაწესებულებაში და მის სიცოცხლეს საფრთხე არ ემუქრება, – ვიგებთ სამინისტროს პრესრელიზიდან.




წყარო : /www. netgazeti.ge/

წაკითხულია : 208


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები