საზოგადოება

ავიაკომპანია „მაივეი ეარლაინსი“ პოლონეთში მყოფი საქართველოს მოქალაქეების საყურადღებოდ ინფორმაციას ავრცელებს

09.07.20 15:00


ავიაკომპანია „მაივეი ეარლაინსი“ პოლონეთში მყოფი საქართველოს მოქალაქეების საყურადღებოდ ინფორმაციას ავრცელებს.

კომპანიის ცნობით, საქართველოს მოქალაქეების სამშობლოში ჩამოსაყვანად, ავიაკომპანია „მაივეი ეარლაინსი“ ვარშავის მიმართულებით ფრენას 13 ივლისს შეასრულებს.

ვარშავადან გამოფრენა 14:45 საათზე მოხდება (ადგილობრივი დროით).

ავიაკომპანიაში განმარტავენ, რომ ბილეთების შეძენა შესაძლებელია, მხოლოდ ავიაკომპანიის ოფიციალურ ვებ-გვერდზე! www.mywayairlines.com.

მგზავრობის საფასური ერთ მგზავრზე შეადგენს 199 ევროს.

ამასთან, კომპანია მგზავრებს სთხოვს გაითვალისწინოს, რომ ავიაბილეთები სახელის ცვლილებას, გადაყიდვას და დაბრუნებას არ ექვემდებარება.

მგზავრებს, რომლებსაც სურვილი აქვთ, თბილისი-ვარშავას რეისით ისარგებლონ, წერილობით უნდა მიმართონ ავიაკომპანიის გაყიდვების წარმომადგენლებს შემდეგ მისამართზე: [email protected].

„საქართველოს მოქალაქეების ტრანსპორტირების პროცესში, „მაივეი ეარლაინსი“ ინფექციების თავიდან აცილების მიზნით, ჯანმრთელობის მსოფლიო ორგანიზაციის რეკომენდაციებით ხელმძღვანელობს“, – ნათქვამია ინფორმაციაში.




წყარო : /www.1tv.ge/

წაკითხულია : 172


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები