საზოგადოება

გამყრელიძე: გთხოვთ, ბედნიერება მოკრძალებულად აღვნიშნოთ

16.09.20 15:40


დაავადებათა კონტროლის ეროვნული ცენტრის ხელმძღვანელი ამირან გამყრელიძე ამბობს, რომ კორონავირუსული ინფექციის წინააღმდეგ ამ ეტაპზე ყველაზე ეფექტურ იარაღად პირბადის გამოყენება და საციალური დისტანცირების დაცვა რჩება.

 

ამირან გამყრელიძე მოსახლოებას მიმართავს და მოუწოდებს, რომ პანდემიის პირობებში თავი შეიკავონ მასობრივ თავყრილობებში მონაწილეობისგან.

 

„ყველას ერთხელ გთხოვთ და მოგიწოდებთ, ჯერჯერობით კორონავირუსული ინფექციის საწინააღმდეგო არც ვაქცინაა და არც პირდაპირი მოქმედების წამალი.

ერთადერთი იარაღი არის პირბადე. ამ პერიოდში როდესაც პანდემიაა, თავი შევიკავოთ დიდი თავშეყრებისგან. ღმერთმა ქნას ბევრი ქორწილი და ბევრი ბავშვი დაიბადოს საქართველოში, მაგრამ სანამ კორონავირუსული ინფექციაა ამ დიდი თავშეყრებისგან თავი შევიკავოთ. ჩვენი ბედნიერება მოკრძალებულად აღვნიშნოთ.

 

დამერწმუნეთ დიდი თავშეყრები ერთ-ერთი მთავარი მიზეზია ვირუსის გავრცელების. ძალიან ბევრი კლასტერები დაკავშირებული იყო უკონტროლო თავშეყრასთან. ბოლო თვეების განმავლობაში საშუალოდ ტარდება 8200-8300 ტესტი, დღეს დილას 11 ათასი იყო. ეს პიკი გახლავთ ჯერჯერობით. საქართველო თავისი ინციდენტობის მაჩვენებლით მწვანე ზონაშია ჯერჯერობით, ამიტომ უნდა ვეცადოთ შევინარჩუნოთ უსაფრთხო ზონის პრინციპი“, - განაცხადა ამირან გამყრელიძემ.

 

ინფორმაციისთვის, დღეს 16 სექტემბერს საქართველოში კოვიდინფიცირების 196 ახალი შემთხვევა დაფიქსირდა, მათგან 144 აჭარაში დადასტურდა.

 

 

 

წყარო :  /www .pia.ge/

წაკითხულია : 217


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები