პოლიტიკა

ოთარ კახიძე - მოვუწოდებთ ხელისუფლებას, დაუყოვნებლივ გახსნას საჰაერო სივრცე რეგულარული ფრენებისთვის

17.09.20 14:20


„ევროპული საქართველოს“ ქუთაისის მაჟორიტარობის კანდიდატი, ოთარ კახიძე ხელისუფლებას მოუწოდებს, დაუყოვნებლივ გახსნას საჰაერო სივრცე რეგულარული ფრენებისთვის. ის ასევე მოითხოვს, ყველა იმ პირის პოლიტიკური პასუხისმგებლობის საკითხი დადგეს, ვისი გადაწყვეტილებითაც ივლისი-აგვისტო-სექტემბრის ტურისტული სეზონი ჩავარდა და სექტორში დასაქმებული მოქალაქეები დაზარალდნენ.

 

„ეკონომიკის მინისტრის, ნათია თურნავას განცხადებით, უკვე ამ თვეში აღდგება ფრენები Wizz Air-ის მიერ ქუთაისის საერთაშორისო აეროპორტში. მანვე, მიმდინარე წლის მაისში განაცხადა, რომ ფრენები ეტაპობრივად აღდგებოდა 1 ივლისიდან.

ისედაც მძიმე მდგომარეობაში მყოფმა ტურიზმის სექტორმა გადაწყვიტა ამუშავება, მაგრამ მინისტრის სიტყვა აღმოჩნდა მტკნარი სიცრუე და კიდევ უფრო მეტი ზიანი მოუტანა ეკონომიკას.

 

„ოცნების“ ხელისუფლებამ პანდემიის წინააღმდეგ ბრძოლის მოტივით ფრენები არ განაახლა მაშინ, როდესაც საქართველოში ფიქსირდებოდა ვირუსის საშუალოდ 20 შემთხვევა და ახლა, როცა დღეში გვაქვს 150 შემთხვევა, საუბრობენ საჰაერო სივრცის გახსნაზე.

 

ეს კიდევ ერთხელ ადასტურებს, რომ ქვეყანას მართავს არაკომპეტენტური ხელისუფლება, რომელიც თავისი არათანმიმდევრული და მავნებლური გადაწყვეტილებებით აზიანებს ეკონომიკას, ხალხს აკარგინებს სამუშაო ადგილებს, აუფასურებს ეროვნულ ვალუტას, ხელს უწყობს ფასების ზრდას.

 

მოვუწოდებთ ხელისუფლებას, დაუყოვნებლივ გახსნას საჰაერო სივრცე რეგულარული ფრენებისთვის. ასევე, დადგეს ყველა იმ პირის პოლიტიკური პასუხისმგებლობის საკითხი, ვისი გადაწყვეტილებითაც ჩავარდა ივლისი-აგვისტო-სექტემბრის ტურისტული სეზონი და ზიანი მიადგა სექტორში დასაქმებულ ჩვენ მოქალაქეებს.

 

რაც შეეხება თურნავას მიერ ნოემბრის თვის დაგეგმვას, ამ საკითხზე იმუშავებს უკვე ახალი, ევროპული კოალიცია, რომელიც ქვეყანას მოუტანას გარდამტეხ ცვლილებებს და წაიყვანს წინ“,-აცხადებს კახიძე.

 

ცნობისთვის, ეკონომიკისა და მდგრადი განვითარების მინისტრის, ნათია თურნავას განცხადებით, მთავრობა Wizzair-ის რეგულარული ფრენების აღდგენასთან დაკავშირებით გადაწყვეტილებას უახლოეს დღეებში მიიღებს. მისივე თქმით, ფრენების აღდგენის საკითხზე მოლაპარაკებები მიმდინარეობს Ryanair-თანაც და საკითხი მიმდინარე წელს გადაწყდება.

 

 

 

წყარო  :  IPN /www.interpressnews.ge/

წაკითხულია : 271


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები