პოლიტიკა

პარლამენტში დღეს „შრომის კოდექსში“ შესატან ცვლილებებს მესამე მოსმენით განიხილავენ

23.09.20 10:45


პარლამენტის ჯანმრთელობის დაცვისა და სოციალურ საკითხთა კომიტეტის სხდომაზე დღეს „შრომის კოდექსში“ შესატან ცვლილებებს მესამე მოსმენით განიხილავენ.

 

ცვლილებები ზეგანაკვეთური შრომის, ღამის სამუშაოებისა და დასვენების დღეებში გაწეული მუშაობის ანაზღაურებას ეხება.

 

„ცვლილება ეხება ზეგანაკვეთური შრომის ანაზღაურებას, რომელიც ჩვეულ სამუშაო დროსთან შედარებით ერთნახევარი ოდენობით უნდა ანაზღაურდეს, ასევე ცვლილება ეხება ღამის შრომას და დასაქმებული არასრულწლოვნების ანაზღაურების საკითხს.

 

კანონში ცვლილების ერთ-ერთი მთავარი ფაქტორი არის, რომ დამსაქმებელს სამუშაო საათების წარმოებისა და აღრიცხვის ვალდებულება გაუჩნდება. როგორც უმრავლესობამ ისე სხვამაც უნდა გაათვითცნობიეროს, რომ ამ ცვლილებების განხორციელება აუცილებელია", - აღნიშნავს კანონპროექტის ინიციატორი, დამოუკიდებელი დეპუტატი ბექა ნაცვლიშვილმა.

 

ჯანდაცვის კომიტეტის თავმჯდომარის დიმიტრი ხუნდაძის განცხადებით, კანონპროექტს უმრავლესობა მხარს უჭერს.

 

ინფორმაციისთვის, 19 სექტემბერს, პარლამენტმა შრომის კოდექსში შესატანი ცვლილებების კანონპროექტი მეორე მოსმენით მიიღო.

 

 

 

წყარო :  /www .pia.ge/

წაკითხულია : 271


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები