პოლიტიკა

ირაკლი სესიაშვილი: გვარამია როგორც ბატონი ყმას, ისე ელაპარაკებოდა ბურჭულაძეს

14.09.16 21:30


„ნაციონალური მოძრაობის“, ნიკა გვარამიასა და პაატა ბურჭულაძის ინტერესებში შედის, რომ ის სტერეოტიპი, რომ ისევ გვისმენენ, აქტუალური იყოს”, – ამის შესახებ თავდაცვისა და უშიშროების კომიტეტის თავმჯდომარემ, სესიაშვილმა „TV პირველის“ ეთერში განაცხადა,
ირაკლი სესიაშვილის თქმით, ეს არის პოლიტიკური სპექტაკლი, რომელიც შიდა პოლიტიკური დაძაბულობიდან გამომდინარე ხდება.

„ნაციონალური მოძრაობის“, ნიკა გვარამიასა და პაატა ბურჭულაძის ინტერესებში შედის, რომ ის სტერეოტიპი, რომ ისევ გვისმენენ, აქტუალური იყოს. დიახ, სწორედ ამიტომ გამოქვეყნდა დღეს, მით უმეტეს, როდესაც ევროსაბჭოს საპარლამენტო ასამბლეის სადამკვირვებლო მისია ჩამოვიდა და სიურპრიზად ბატონმა ნიკამ და პაატამ დაახვედრეს ეს ჩანაწერი. სწორედ ამიტომ, ღრმად ვარ დარწმუნებული, რომ ეს ჩანაწერი ნიკა გვარამიას შემოქმედებაა და მისი მონტაჟიცაა, რადგან ყველაზე კარგად მონტაჟს თვითონ აკეთებენ და მეტიც, ამ ჩანაწერით ერთგვარი სიგნალია არსებული „ნაციონალური მოძრაობისა“ და პაატა ბურჭულაძის მიმართულებით. ნიკა გვარამია როგორც ბატონი ყმას, ისე ელაპარაკებოდა. სირცხვილია უბრალოდ“, – განაცხადა ირაკლი სესიაშვილმა.

დღეს გავრცელდა სატელეფონო ჩანაწერი, რომელშიც „რუსთავი 2“-ის გენდირექტორის, ნიკა გვარამიასა და „სახელმწიფო ხალხისთვის“ ლიდერის, პაატა ბურჭულაძის საუბარი ისმის.

ფაქტზე შსს-ს გამოძიება უკვე დაიწყო.

გამოძიება პირადი მიმოწერის, ტელეფონით საუბრის ან სხვაგვარი ხერხით შეტყობინების საიდუმლოების დარღვევის ფაქტზე მიმდინარეობს (საქართველოს სსკ-ის 159-ე მუხლით).


წყარო : /www.kvira.ge/

წაკითხულია : 739


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები