პოლიტიკა

დაფინანსების გარეშე თუ არ შეგიძლია ბიძინას დამარცხება, დაიხურე ქუდი და წადი — ჯაფარიძე

27.11.20 10:00


გირჩის ლიდერი, ზურაბ ჯაფარიძე ეხმაურება “ქართული ოცნების“ მუქარას , დაფინანსების შეწყვეტაზე . ჯაფარიძე აცხადებს, რომ პარტიები არ უნდა იღებდნენ საბიუჯეტო დაფინანსებას.

 


მისი თქმით, განსაკუთრებით არასწორია იმ პარტიის მიერ საბიუჯეტო დაფინანსების მოთხოვნა, რომელიც არ აღიარებს არჩევნების შედეგებს.

 

ჯაფარიძემ აღნიშნა, რომ პარტია ისედაც, არჩევნების შედეგების აღიარების შემთხვევაშიც არ მოითხოვდა ამ თანხას, რადგან მიაჩნია, რომ საბიუჯეტო დაფინანსება უნდა გაუქმდეს.

 

"საბოლოო ჯამში, ეს დაფინანსება არის მიბმული ცენტრალური საარჩევნო კომისიის მიერ შედგენილ შემაჯამებელ ოქმზე — იქ რა რიცხვები გიწერია. თუ იძახი, რომ ეს ოქმი არასწორია და ეს არჩევნები გაყალბდა, და ამას ვიძახით მთელი ოპოზიციური სპექტრი, მაშინ იმაზე დაფუძნებით რაღაცა დაფინანსებას არ უნდა ითხოვდე. არასწორია. გაუგებარია.

 

 

მინიმუმ, აძლევ არგუმენტს ქართულ ოცნებას, რომ გამოვიდეს და თქვას, რომ ამათმა არჩევნები აღიარეს. და ზოგადადაც, საბიუჯეტო დაფინანსების გარეშე თუ არ შეგიძლია ბიძინას დამარცხება, მაშინ უნდა დაიხურო ქუდი და წახვიდეს დაფინანსება ზოგადად არის გასაუქმებელი.

 

ეს დაფინანსება არის ერთ-ერთი მთავარი პრობლემა, რომელიც არსებობს ქართულ პოლიტიკაში. საბიუჯეტო დაფინანსების არსებობის გამო, ქართული პოლიტიკური სპექტრი არის გადაჭედილი ვითომ პოლიტიკური პარტიებით, რომელთაც რაღაცა კონკრეტული მიზნები და ხედვები და ღირებულებები და პრინციპები კი არ ამოძრავებთ და რაღაცის შეცვლა კი არ უნდათ მართლა, გულწრფელად ქვეყანაში, არამედ, ეს არის ჩვეულებრივი ბიზნესი. გადალახავ [ზღვარს], გახდები კვალიფიციური სუბიექტი, იმიტომ, რომ ვიღაცასთან ბლოკი გააკეთე, ან რაღაცა გააკეთე და მიიღებ დაფინანსებას, უფასო რეკლამას, იმას, ამას ...", — განაცხადა ზურაბ ჯაფარიძემ „პალიტრა ნიუსის“ ეთერში.

 

 

 

წყარო :  /www.newposts.ge/

წაკითხულია : 262


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები