პოლიტიკა

მოპარული არჩევნები და ოპოზიციის უპრეცენდენტო ერთობა - რას გეგმავენ ივანიშვილის ოპონენტები ერთპარტიული პარლამენტის შეკრების დღეს

01.12.20 10:45


ოპოზიციის უახლოესი სამოქმედო გეგმა უკვე ცნობილია - "ოცნებას" ერთპარტიული პარლამენტის პირველი სხდომის დღეს ყველა ოპოზიციური პარტია მეტეხთან შეიკრიბება და შეთანხმების სამ მემორანდუმს მოაწერს ხელს.ივანიშვილის ოპონენტები პარლამენტში შესვლაზე უარს ამბობენ, უარს ითყვიან ასევე საპარლამენტო მანდატებზე და განმეორებითი არჩევნების ჩატარებას მოითხოვენ. არც ერთი ოპოზიციური პარტია, რომელმაც ბარიერი გადალახა საკანონმდებლო ორგანოში შესვლას არ აპირებს და ამის ოფიციალურად გაფორმებას სიების განულებით გეგმავს.

 

ცნობილია ისიც, რომ ბარიერგადალახული პარტიების თავმჯდომარეები მიმართავენ ცესკო-ს იმისათვის, რომ მათი პროპორციული სია მთლიანად გაუქმდეს, რათა სიაში მყოფმა რომელიმე პირმა, ადგილმონაცვლემ, ვერ შეძლოს საკანონმდებლო ორგანოში შესვლა.

 

თავდაპირველად ოპოზიცია მასშტაბურ საპროტესტო აქციას გეგმავდა, თუმცა ქვეყანაში არსებულმა მძიმე ეპიდვითარებამ ეს გეგმები შეცვალა.

 

ოპოზიციის ლიდერები ამბობენ, რომ ხელახალი არჩევნების ჩატარება "ოცნებას" გაზაფხულზე მაინც მოუწევს.

 

რაც შეეხება მესამე რაუნდს მისი გამართვის თარიღი ამ დრომდე არ არის ცნობილი.

 

ოპოზიცია 31 ოქტომბრის საპარლამენტო არჩევნების შედეგებს არ აღიარებს, რადგან მათი თქმით, ივანიშვილის გუნდმა ხალხის ნება მოიპარა.

 

 

 

წყარო :  /www.newposts.ge/

წაკითხულია : 280


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები