პოლიტიკა

საქართველო ნატო-ს საგარეო მინისტერიალის სესიაზე შავი ზღვის უსაფრთხოების განხილვაში მიიღებს მონაწილეობას

01.12.20 14:00


ნატო-ს საგარეო მინისტერიალის სესიაზე შავი ზღვის უსაფრთხოების განხილვაში საქართველო და უკრაინა მიიღებენ მონაწილეობას. ამის შესახებ ინფორმაციას ნატო-ს ოფიციალური ვებგვერდი ავრცელებს.

 

მინისტერიალზე ასევე იმსჯელებენ ალიანსის განგრძობად მხარდაჭერაზე ორივე პარტნიორის მიმართ.

 

ნატო-ს ქვეყნების საგარეო საქმეთა მინისტრები შეხვედრას ტელეკონფერენციის რეჟიმში გამართავენ. ნატო-ს საგარეო მინისტერიალი დღეს იწყება და 2 დეკემბერს დასრულდება. მინისტერიალის პირველ დღეს ჩრდილო-ატლანტიკური საბჭო შეიკრიბება, დღის ბოლოს კი, ნატო-ს გენერალური მდივანი ონლაინ პრესკონფერენციას გამართავს.

 

რაც შეეხება 2 დეკემბრის დღის წესრიგს, საგარეო საქმეთა მინისტრების სესიაზე ჩრდილო ატლანტიკური საბჭო ტელეკონფერენციის საშუალებით აზია-წყნარი ოკეანეთის და ევროკავშირის პარტნიორებთან გამართავს შეხვედრას, რის შემდეგაც ჩრდილო-ატლანტიკური საბჭო კონსულტაციებს კიდევ ერთხელ გამართავს.

მინისტერიალზე განხილვის მთავარი თემები ნატო-ს ადაპტაცია, რუსეთის სამხედრო სფეროს განვითარება, ჩინეთის ზრდა და ნატო-ს ავღანეთის საწვრთნელი მისია იქნება.

 

 

 

წყარო :  /www.1tv.ge/

წაკითხულია : 280


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები