საზოგადოება

სამოქალაქო აქტივისტები ჯანდაცვის სამინისტროსთან აქციას მართავენ

03.12.20 16:40


ჯანდაცვის სამინისტროს შენობასთან სამოქალაქო აქტივისტები ეკატერინე ტიკარაძის გადადგომას ითხოვენ.

 

მათი განცხადებით, კორონავირუსით ახალგაზრდა ადამიანების გარდაცვალებაზე პასუხისმგებლობა უწყების პირველ პირს ეკისრება. ისინი მინისტრთან შესახვედრად შენობაში შევიდნენ, თუმცა მათ დაცვის სამსახურმა ამის უფლება არ მისცა.

 

„თუ ნაცნობი არ გყავს, საავადმყოფოში ვერ დაწვები და უნდა მოკვდე. ეს არის უსამართლობა, რომელზეც ეკატერინე ტიკარაძემ პასუხი უნდა აგოს. ჩამოვიდეს და კითხვებზე პასუხი გაგვცეს. ტიკარაძე, რომელმაც ვერ მართა პანდემია, უნდა გადადგეს“, - ამბობენ აქციის მონაწილეები.

 

როგორც სამინისტროში მისული მოქალაქეები აღნიშნავენ, საგანგაშოა კორონავირუსით 19 და 24 წლის გოგონების გარდაცვალების ამბავი, რაც ჯანდაცვის სისტემის ხარვეზებს უკავშირდება.

 

 

 

წყარო :  /www .pia.ge/

წაკითხულია : 64


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები