პოლიტიკა

„ლელო საქართველოსთვის” - მივესალმებით ჩვენი დასავლელი პარტნიორების მხრიდან საქართველოს უსაფრთხოებისადმი გამოჩენილ მნიშვნელოვან ყურადღებას

04.12.20 17:40


„ლელო საქართველოსთვის” განცხადებას ავრცელებს, სადაც აღნიშნავენ, რომ პარტია მიესალმება ქვეყნის დასავლელი პარტნიორების მხრიდან საქართველოს უსაფრთხოებისადმი გამოჩენილ მნიშვნელოვან ყურადღებას.

 

როგორც პარტიაში აცხადებენ, საქართველოს უსაფრთხოება, ტერიტორიული მთლიანობა და სტაბილური განვითარება პარტნიორების უპირატეს ინტერესს წარმოადგენს.

 

„როგორც აშშ-ს თავდაცვის ახალ ბიუჯეტში, ასევე ევროპული კავშირის საგარეო ურთიერთობათა კომიტეტის წლიურ ანგარიშში, ჩვენ მკაფიოდ ვხედავთ, რომ საქართველოს უსაფრთხოება, ტერიტორიული მთლიანობა და სტაბილური განვითარება კვლავაც ჩვენი პარტნიორების უპირატესი ინტერესია.

 

კონგრესის დასკვნის არ იყოს, დღეს როგორც არასდროს, უაღრესად მნიშვნელოვანია, რომ აშშ თავდაცვის დეპარტამენტმა კიდევ უფრო მეტი ყურადღება მიაპყროს შავი ზღვის რეგიონის უსაფრთხოებას და მნიშვნელოვნად გაზარდოს NATO-ს აქტიურობა რეგიონის მასშტაბით, საქართველოსა და უკრაინის ჩართულობით. აგრეთვე საყურადღებო და მისასალმებელია ევროკავშირის ანგარიშში ხსენებული ძალისხმევა მტრული ძალების მიერ დაფინანსებული დეზინფორმაციული კამპანიების წინააღმდეგ, რომლის უარყოფით და ანტი-დემოკრატიულ ეფექტებსაც მუდმივად ვაწყდებით ქართულ საჯარო ცხოვრებაში“,-აღნიშნავენ პარტიაში.

 

 

 

წყარო  :  IPN /www.interpressnews.ge/

წაკითხულია : 100


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები