პოლიტიკა

ესტონეთის პრემიერი - პარლამენტში სრული პოლიტიკური სპექტრი, სტაბილურობა და ერთსულოვნება კრიტიკულად მნიშვნელოვანია რთულ სამეზობლოში დემოკრატიული ქვეყნის განვითარებისთვის

30.12.20 12:00


პარლამენტში სრული პოლიტიკური სპექტრის წარმომადგენლობა, ქვეყნის შიგნით სტაბილურობა და ერთსულოვნება კრიტიკულად მნიშვნელოვანია რთულ სამეზობლოში არსებული დემოკრატიული ქვეყნის განვითარებისთვის, – ამის შესახებ აღნიშნულია ესტონეთის რესპუბლიკის პრემიერ-მინისტრი იური რატასი საქართველოს პრემიერ-მინისტრ გიორგი გახარიასადმი მისალოც წერილში.

 

როგორც იური რატასი აღნიშნავს, ესტონეთს გააზრებულად აქვს ნაკისრი ვალდებულება, იყოს საქართველოს გულწრფელი და სანდო მეგობარი დემოკრატიული და ეკონომიკური განვითარებისა და ევრო-ატლანტიკური ინტეგრაციის გზაზე.

 

„გთხოვთ მიიღოთ ჩემი გულწრფელი მოლოცვა საქართველოს პრემიერ-მინისტრის თანამდებობაზე ხელახლა დანიშვნასთან დაკავშირებით. დარწმუნებული ვარ, რომ თქვენი უბადლო ხელმძღვანელობით კიდევ უფრო განვავითარებთ საქართველოსა და ესტონეთს შრის არსებულ ბრწყინვალე ურთიერთობებს  ჩვენი ერების საკეთილდღეოდ. მინდა გარწმუნოთ, რომ ჩემს ქვეყანას გააზრებულად აქვს ნაკისრი ვალდებულება იყოს საქართველოს გულწრფელი და სანდო მეგობარი დემოკრატიული და ეკონომიკური განვითარების, ევრო-ატლანტიკური ინტეგრაციის გზაზე. იმედი მაქვს, რომ საქართველოსთვის ამ გამოწვევებით აღსავსე დროს თქვენ გააგრძელებთ საერთო საფუძვლებისა და კომპრომისების ძიებას, რათა პოლიტიკურ ძალებს შორის არსებული სიცარიელე შეივსოს. პარლამენტში სრული პოლიტიკური სპექტრის წარმომადგენლობა, ქვეყნის შიგნით სტაბილურობა და ერთსულოვნება კრიტიკულად მნიშვნელოვანია რთულ სამეზობლოში არსებული დემოკრატიული ქვეყნის განვითარებისთვის. ყოველივე საუკეთესოს გისურვებთ ამ მიმართულებით და მოუთმენლად ველი ჩვენს ჩვეულ კარგ თანამშრომლობას“, – აღნიშნავს ესტონეთის პრემიერ-მინისტრი.

 

ინფორმაციას საქართველოს პრემიერ-მინისტრის პრესსამსახური ავრცელებს.

 

 

 

წყარო :  /www.1tv.ge/

წაკითხულია : 325


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები