საზოგადოება

სახალხო დამცველი: რწმენის თავისუფლების დაცვის უზრუნველყოფა სახელმწიფოს ვალდებულებაა

13.01.21 17:40


სახალხო დამცველი ნინო ლომჯარია სოფელ ბუკნარში ადგილობრივი მუსლიმი და ქრისტიანი მოსახლეობის დაპირისპირებას ეხმაურება. 


მისი თქმით, ყველა მოქალაქეს უფლება აქვს სალოცავად მისთვის სასურველი ადგილი აარჩიოს, აღნიშნული უფლების დაცვის უზრუნველყოფა კი სახელმწიფოს ვალდებულებაა.

 

„ძალიან სამწუხარო მდგომარეობაა და ეს არ არის პირველი შემთხვევა. 2012-2016 წლებში არაერთ დაპირისპირებას ჰქონია ადგილი რელიგიური შუღლის ნიადაგზე, რასაც არ მოჰყოლია სამართლიანი და ობიექტური გამოძიება და რიგ შემთხვევებში გამოძიება შეწყდა კიდევაც.

 

ამ კონკრეტულ შემთხვევაში დაპირისპირება გამოიწვია მუსლიმი მოსახლეობის უფლების რეალიზაციის მოთხოვნამ, რომ ილოცონ მათთვის სასურველ ადგილზე, რაც კანონით არის უზრუნველყოფილი. რწმენა არის თავისუფალი და ეს მოიცავს იმას, რომ მათ შეუძლიათ თავისუფლად აარჩიონ სალოცავი ადგილი, ხოლო ხელისუფლებას აკისრებს ვალდებულებას, რომ დაიცვას მოქალაქეთა უფლება და ასევე უზრუნველყონ საზოგადოების მშვიდობიანი თანაცხოვრება“, - აღნიშნა ნინო ლომჯარიამ.

 

 

 

წყარო :  /www .pia.ge/

წაკითხულია : 91


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები