საზოგადოება

„საკვები დაგვიმთავრდა“ - რას აცხადებენ კობი-გუდაურის გზაზე გაჩერებული სატვირთო მანქანების მძღოლები

18.01.21 12:40


კობი-გუდაურის საავტომობილო გზის მონაკვეთზე დიდთოვლობის გამო სატვირთო ავტომობილების მძღოლები გადაადგილებას ვერ ახერხებენ. 


მძღოლების განცხადებით, გადაადგილების პრობლემა მალე თუ არ აღმოიფხვრება გაუფუჭდებათ მალფუჭებადი პროდუქტი და დიდ ზარალს მიიღებენ.

 

„უკვე ერთი კვირაა რაც დიდთოვლობის გამო ჩაკეტილია გზები. პროდუქტებზე მაღაზიაში გავდივართ და იქ ვყიდულობთ. ვცდილობთ ერთმანეთს დავეხმაროთ.

იმედი გვაქვს გზა მალე გაიხსნება“, - აცხადებს ჟურნალისტებთან კობი-გუდაურის გზაზე გაჩერებული სატვირთო აზერბაიჯანელი მძღოლი.

 

ამავე გზაზე გაჩერებული კიდევ ერთი მძღოლის განცხადებით, მათ დახმარებას არავინ უწევს.

 

„არავინ არაფერს გვეუბნება. უბრალოდ ვდგავართ და ველოდებით. საკვებით დაგვიმთავრდა და საწვავიც ცოტა დაგვრჩა. წყალიც კი არ ვიცით საიდან უნდა მოვიტანოთ. ღამეს მანქანაში ვათევთ და საკმაოდ ცივა. პროდუქტი რაც გვაქვს გაფუჭებას დაიწყებს“, - აღნიშნა მძღოლმა.

 

ამასთან, ყაზბეგის მუნიციპალიტეტის მერის ალექსანდრე ზაგაშვილის განცხადებით, სატვირთო ავტომობილის მძღოლებს ადგილზე პროდუქტები დაურიგეს.

 

„ჯერჯერობით, არ არის ის პირობები, რომ გაწმენდითი სამუშაოები დაიწყოს.

ველოდებით როდის გამოიდარებს," - აცხადებს ყაზბეგის მუნიციპალიტეტის მერი.

 

 

 

წყარო :  /www .pia.ge/

წაკითხულია : 244


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები