პოლიტიკა

თეა წულუკიანმა და საბერძნეთის ელჩმა კულტურის, სპორტისა და ახალგაზრდობის საკითხებზე საბერძნეთთან თანამშრომლობის დოკუმენტის ხელმოწერის საკითხი განიხილეს

06.04.21 16:20


საქართველოს კულტურის, სპორტისა და ახალგაზრდობის მინისტრმა, თეა წულუკიანმა და მინისტრის პირველმა მოადგილემ, კახა სიხარულიძემ საქართველოში საბერძნეთის საგანგებო და სრულუფლებიან ელჩთან  დიმიტრიოს კარაბალისთან შეხვედრა გამართეს და საბერძნეთთან კულტურის, სპორტისა და ახალგაზრდობის მიმართულებით თანამშრომლობის დოკუმენტის მოკლე ვადაში ხელმოწერის შესაძლებლობებზე იმსჯელეს.

 

თეა წულუკიანმა საბერძნეთის ელჩს კულტურული პროექტების მხარდაჭერისთვის მადლობა გადაუხადა და საქართველოსა და საბერძნეთის მრავალწლიან მჭიდრო თანამშრომლობაზე გაამახვილა ყურადღება.

 

მინისტრის თქმით, კულტურული მემკვიდრეობის მიმართულებით ბერძენი ექსპერტების ჩართვა და სამუზეუმო საქმიანობაში მათი გამოცდილების ქართველი კოლეგებისთვის გაზიარება მნიშვნელოვნად შეუწყობს ხელს იმ ძირითადი მიმართულებების განვითარებას, რაც ამჟამად აქტუალურია სამინისტროსთვის.

 

საბერძნეთის ელჩმა მინისტრსა და მინისტრის პირველ მოადგილეს კულტურის, სპორტისა და ახალგაზრდობის მიმართულებით თანამშრომლობის კონკრეტული ხედვა გააცნო და ორ ქვეყანას შორის მოცემულ სფეროებში თანამშრომლობის დოკუმენტის ხელმოწერის ხელშეწყობის მიზნით მზაობა გამოთქვა.

 

 

წყარო :  /www.1tv.ge/

წაკითხულია : 253


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები