საზოგადოება

„პირველი ჩვენი მტერი არის სუფრები“- პაატა იმნაძე

07.04.21 15:40


დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის მოადგილე პაატა იმნაძე აღნიშნავს, რომ ეპიდაფეთქების პირველი ფაქტორი არის რეგულაციების დარღვევა და „სუფრები“ რომელსაც საზოგადოება სხვადასხვა ღონისძიების დროს მართავს. 


„თუ არ გვინდა შეზღუდვები, უნდა დავიცვათ ელემენტარული რეგულაციები.

დიდი კლასტერები ქეიფების, ჭირის სუფრების, ქორწილების შემდეგ მივიღეთ, ამიტომ ამ პერიოდში თავი უნდა შევიკავოთ მსგავსი ქმედებებისაგან და ამას უნდა გადავეჩვიოთ, პირველი ჩვენი მტერი არის სუფრები.

 

სადაც არის დაცული რეგულაციები, იქ რისკი არის დაბალი. პირველი რეგულაცია ესაა, რომ უნდა ვატაროთ პირბადე.

 

სადაც არის ეპიდაქფეთქებები ვხედავთ, რომ დასახლებულ პუნქტებში მკაცრდება რეჟიმი. ასე იქნება მომავალშიც“- განაცხადა პაატა იმნაძემ.

 

მან ასევე აღნიშნა, რომ მთელ საქართველოში ვაქცინაციის ცენტრების დამატება იგეგმება.

 

ინფორმაციისთვის, კორონავირუსის დადასტურებული შემთხვევების საერთო რაოდენობა 7 აპრილის მონაცემებით 285 645-ს შეადგენს, ხოლო სულ გამოჯანმრთელებულია 275 547 პირი.

 

რაც შეეხება დადებითობის მაჩვენებელს, დღიური - 2,48%, ბოლო 14 დღის - 1,98%, ბოლო 7 დღის - 2,42%-ია.

 

 

 

წყარო :  /www .pia.ge/

წაკითხულია : 262


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები