ეკონომიკა

მთავრობა რადიომაუწყებლებს 1.5 მილიონი ლარის დავალიანებას და წლის ბოლომდე მომსახურების საფასურს არ გადაახდევინებს

28.06.21 12:20


საქართველოს მთავრობა რადიომაუწყებლებს 1.5 მილიონი ლარის დავალიანებასა და წლის ბოლომდე, მომსახურების საფასურს პატიობს, - ამის შესახებ ეკონომიკისა და მდგრადი განვითარების მინისტრმა, ნათია თურნავამ მთავრობის ადმინისტრაციაში გამართულ ბრიფინგზე განაცხადა.

 

მისივე თქმით, ჯამში, საუბარია 24 რადიომაუწყებელ კომპანიაზე. ნათია თურნავა აცხადებს, რომ მთავრობა მომავალშიც შეუწყობს ხელს თავისუფალ რადიომაუწყებლობას.

 

„სახელმწიფო საკუთრებაში, არსებობს კომპანია შპს საქართველოს ტელე-რადიოცენტრი, რომელიც, მთელი საქართველოს მასშტაბით, ანძებს ფლობს. ამ ანძების მეშვეობით, სხვადასხვა სიხშირეს ვაწვდით რადიომაუწყებლებს. ჩვენ და მარეგულირებელ კომისიას, ცოტა ხნის წინ, 24-მდე რადიოკომპანიამ მიმართა. მათ მოითხოვეს ტელე-რადიოცენტრის მიმართ დაგროვილი დავალიანების პატიება, რაც კორონავირუსის პანდემიის პერიოდით ახსნეს. მთავრობამ გაიზიარა ეს არგუმენტაცია, რადგან მათთვის ძირითადი შემოსავალი არის რეკლამა.

მოგეხსენებათ, 2020 წელს შეფერხებული იყო ეკონომიკური საქმიანობა და ამ წყაროდან, მათ შეუწყდათ ან შეუმცირდათ შემოსავალი. აქედან გამომდინარე, მთავრობამ გაიზიარა მათი მოთხოვნა და, მთლიანობაში, დაახლოებით, 1.5 მილიონი ლარისა და ასევე, წლის ბოლომდე, მომსახურების საფასურს ვპატიობთ ამ რადიომაუწყებელ კომპანიებს. გვინდა, მათ წარმატება ვუსურვოთ“, - განაცხადა ნათია თურნავამ.

 

 

 

წყარო :  /www.imedinews.ge/

წაკითხულია : 343


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები